Sumu 119:160 - Tonga Bible 1986

¹⁶⁰ Chisinkhu cha mazu ghinu mbuneneska, ndipo vyeruzgu vinu vyose virunji vya muyaya.

Sumu 119:160 Referans Kwoze

Nthanthi 30:5

Mazu ghose ghaku Chiuta ghasimika uneneska; iyo ndi nguru kwaku wo ŵabisama mwake.

2 Timote 3:16

Lembo lose lakuuzirika ndi Chiuta ndakwanduliya so ku chisambizgu, ku chipanikizga, ku chinyoroska, ku chilangwa chamu urunji:

Sumu 119:144

Virungu chizgu vinu vyakurunjika muyaya; ndipaskeni kuwamo, mwakuti ndiŵe ndi umoyo.

Mateyu 5:18

Nadidi ndikuneniyani, mpaka kuchanya ndi panupasi virutenge, kweni kalembo kamoza kamwenga kadonthu kamoza kuti kangaruta cha kamu chilangulu, mpaka penipo vyose vyafiskika.

Wakutaula 3:14

Ndiziŵa kuti chose cho Chiuta wachita chikajaririyanga muyaya; kuti kakasazgikiyangako kanyake nanga nkhutuzgapo kanthu kanyake kwaku cho cha; Chiuta wachichita ichi mwakuti ŵanthu wopenge paurongo pake.

Sumu 119:142

Urunji winu ukajaririyanga muyaya, ndipo dangu linu ndakuneneska.

Sumu 119:152

Kali ndikusambira ndi visimisimi vinu; ndipo mukuvijarika kuti vijaririye muyaya.

Sumu 119:138

Vyeruzgu vyo mwapaska vyamampha ndi vyakurunjika.

Sumu 119:86

Malangulu ghinu ghose ngauneneska; ndovyeni, ŵanthu ŵandiwemba kwa utesi!

Sumu 119:75

Ndiziŵa Ambuya, kuti vyeruzgu vinu vyakurunjika, mungundilanga chifukwa mwe amagomekezgeka.