Sumu 119:144 - Tonga Bible 1986

¹⁴⁴ Virungu chizgu vinu vyakurunjika muyaya; ndipaskeni kuwamo, mwakuti ndiŵe ndi umoyo.

Sumu 119:144 Referans Kwoze

2 ŴaKorinte 4:6

Pakuti ndi Chiuta yo wanguti, “Kutuwa mu mdima ukweru uŵalenge.” Ndiyo waŵaliya mu mitima yidu kungweruska mziŵiru wa unkhankhu waku Chiuta mu chisku chaku Yesu Kristu.

Danyele 12:10

Ŵanandi ŵajitoweskenge, ndi kujichita ŵatuŵa, ndi ŵakatozgekanga; kweni ŵaheni ŵachitenge uheni; kulivi yumoza yo wakawangamu, kweni wo mbazeru pe ndiwo ŵawengemu.

Yeremiya 4:22

“Pakuti ŵanthu ŵangu mbakupusa kuti ŵatindiziŵa cha; mbana ŵakupusa, ŵalivi kuwamo. Mbakuchenje mu kuchita uheni, kweni kuchita umampha kuti ŵaziŵa cha.”

Sumu 119:169

Kuliya kwangu kuze paurongo pinu, Ambuya, ndipaskeni kuwamo kwakulingana ndi mazu ghinu!

Yesaya 27:11

Zititi zamira mphanda zake, zifyoka, ŵanthukazi ŵatuza kuzachidewa nkhuni za moto. Pakuti yaŵa mbanthu ŵambura kuteska, chifukwa cho wakiŵalenga yo kuti wakaŵanga nawo ndi lisungu cha, mweniyo wanguŵaumba kuti wakaŵarongonga wezi so cha.

Nthanthi 10:21

Milomo ya ŵakurunjika yihiŵa ŵanandi, kweni ŵakupusa ŵafwiya kuwura chinjeru.

Sumu 119:73

Mukundilenga ndimwe; ndipaskeni kuziŵa, mwakuti ndisambire marangu ghinu.

Mateyu 13:19

Wachivwa munthu mazu gho gha ufumu, ndipo kuti wawamo cha, watuza mheni yo, ndipo wapoka cho chamijika mu mtima wake. Iya ndiyo yingumijika mumphepete mu nthowa.

Mateyu 5:18

Nadidi ndikuneniyani, mpaka kuchanya ndi panupasi virutenge, kweni kalembo kamoza kamwenga kadonthu kamoza kuti kangaruta cha kamu chilangulu, mpaka penipo vyose vyafiskika.

Sumu 119:152

Kali ndikusambira ndi visimisimi vinu; ndipo mukuvijarika kuti vijaririye muyaya.

Sumu 119:138

Vyeruzgu vyo mwapaska vyamampha ndi vyakurunjika.

Sumu 119:66

Ndisambizgeni vinjeru ndi cheruzgu chamampha chifukwa ndagomekezga mu vilangulu vinu!

Sumu 19:9

Nkhwamampha kukankhuska Ambuya, nkhwakujaliriya muyaya; vyeruzgu vya Ambuya vyakuneneska, vyakurunjika kwakufikapo.

Yohane 17:3

Ndipo chenichi mbumoyo wamuyaya, kuti ŵanthu ŵakuziŵeni imwe, Chiuta yija muneneska ndi so Yesu Kristu mweniyo mungutuma.

Hoseya 4:6

Ŵanthu ŵangu ŵanangika chifukwa chakuŵavi zeru, chifukwa mwapata zeru, ine nane nditukupata kuŵa mzukuru wangu. Chifukwa waruwa dangu laku Chiuta wako, nane ndiruwenge ŵana ŵako.

Sumu 119:34

Ndipaskeni kuwamo, kuti ndisunge dangu linu: ndikalisunganga ndi mtima wangu wose.

Sumu 119:17

Chitiyani umampha mteŵeti winu alinga kuti ndiŵe wamoyo ndi kusunga mazu ghinu.

Sumu 119:151

Kweni imwe mwe pafupi nane, Ambuya, ndipo malangulu ghinu ghose ngakuneneska.

Nthanthi 4:4

ada ŵangundisambizga, ndipo ŵanguti kwaku ine, “Uchite kuti mtima wako ukoreske mazu ghangu; sunga marangu ghangu, ndi uje wamoyo;

Nthanthi 7:2

sunganga marangu ndi ujenge wamoyo, sunganga kurunguchizga kwangu uli ndi mboni ya jisu lako;