Sumu 119:124 - Tonga Bible 1986

¹²⁴ Ndichitiyeni kwakulingana ndi chanju chinu chikuru, ndipo ndisambizgeni malangulu nginu.

Sumu 119:124 Referans Kwoze

Sumu 119:12

Wakutumbikika ndimwe, Ambuya: ndisambizgeni virunguchizgu vinu!

Danyele 9:18

A Chiuta, wangu, tegherezgani gutu linu ndi muvwi; jurani maso ghinu ndi muwoni kupasuka kwidu, ndi msumba wo udanika ndi zina linu; pakuti tipereka kuŵeyere kwidu paurongo pinu chifukwa cha urunji widu cha, kweni chifukwa cha lisungu linu likuru.

Sumu 130:7

A! Yisraele, gomekezga mu Ambuya! Chifukwa mwaku iwo mwe chifundu cha muyaya, mu Ambuya mwe uwombozi wakuzara.

Sumu 119:132

Ng'anamukiyani kwangu ndipo ndichitiyeni wezi, nge ndimo mutiŵachitiya ŵakwanja imwe.

Sumu 119:26

Po ndingusumuwa vyose vyo ndikuchita, imwe mungundamuka; ndisambizgeni virunguchizgu vinu!

Sumu 103:10

Kuti atichitiya kwakuyana ndi uheni widu cha, pamwenga kutiwerezgiyapo kwakuyana ndi vyakulakwa vidu.

Sumu 69:13

Kweni ine, ndirombenge kwaku imwe, Ambuya. Panyengo yo mwasankha, A Chiuta, chifukwa cha chifundu chinu chikuru, mundamuke, chifukwa musunga phanganu linu la kutaska.

Sumu 51:1

Ndichitiyeni wezi A Chiuta, kwakuyana ndi chifundu chinu; uli mbunandi wa vya lisungu vinu sisitani mamphuru ghangu.

Sumu 69:16

Chifukwa cha umampha wa chifundu chinu, Ambuya, mundamuke; mu chisungu-sungu chinu chikuru, ng'anamukiyani kwangu.

Luka 18:13

Kweni wamsonkho yo, wakuma kutari, kuti wakhumbanga cha kuyinuskiya chingana ndi maso ghake kuchanya, kweni wapamanthanga chifuŵa chake, wakuti, ‘A Chiuta, mupepeskeke kwaku ine ndamulakwi!’

Sumu 119:41

Ambuya, chanju chinu chize paku ine, ndipo nditaskeni kwakulingana ndi phanganu linu.

Sumu 79:8

Rekani kusuzga ifwe pa uheni wa auskefwe, kweni tichitiyeni lisungu le, chifukwa tasiskikiya pasi ukongwa.

Nehemiya 9:20

Mungupaska mzimu winu kuŵarunguchizga, ndipo mwengavi kunora milomo yawo mana ghinu, ndi munguŵapaska maji pa nyota yawo.

Sumu 31:20

Mwaŵabisa mu chakubisamamo cha uŵapo winu, ku viŵembu vyaŵanthu; mwaŵakoreze umamphavi kusi ku chivwinkhu chinu, ku kukweŵeskana kwa malilime.

Sumu 119:88

Chifukwa cha chanju chinu chakufikapo, mundisunge wamoyo, alinga kuti ndisungenge visimisimi vinu.