Sumu 119:11 - Tonga Bible 1986

¹¹ Mazu ghinu ndasunga mu mtima wangu, alinga kuti ndireke kumunangiyani imwe.

Sumu 119:11 Referans Kwoze

Sumu 37:31

Dangu laku Chiuta wake le mu mtima wake, michapu yake kuti yiteremuka cha.

ŴaKolose 3:16

Mazu ghaku Kristu ghaje mwinu kwakusambasa, pa kusambizgana ndi kuchinyirana mu zeru yose, ndi penipo mutumba mu buku la sumu ndi mu sumu ndi sumu zamzimu, kumuwonga Chiuta mu mitima yinu.

Sumu 40:8

Ndikondwere kuchita khumbo linu, A Chiuta wangu; dangu linu le mukati mu mtima wangu.”

Yeremiya 15:16

Mazu ghinu ghangusanirika ndipo ndingughargha; mazu ghinu ghangundiŵiya likondwa ndi kuyereyeta mu mtima wangu; pakuti ndadanika ndi zina linu, Ambuya mwe, Chiuta wa maŵanja.

Sumu 1:2

Kweni mu dangu la Ambuya ndimo mwe likondwa lake; ndipo mu dangu lawo ndimo warunguruka msana ndi usiku.

Jobu 22:22

Ronde visambizgu kutuliya kumlomo wake, ndi sunga mazu ghake mu mtima wako.

Sumu 119:97

A, nditanja mbwenu dangu linu! Ndighanaghana nalo zuŵa lose.

Yesaya 51:7

“Tegherezgani kwangu imwe muziŵa urunji, ŵanthu wo dangu langu le mu mtima wawo; rekani kopa kunyoza kwa ŵanthu mungatenthemanga pa kutuka kwawo cha.

Nthanthi 2:1

Wa mwana wangu, asani urondiyenge mazu ghangu ndi kusunga ukongwa marangu ghangu,

Luka 2:19

Kweni Mariya wasungirizganga nkhani zenizi zose, kuziŵika mu mtima wake.

Sumu 19:13

Kanizgani ndamteŵeti winu kuheni wakujikuzga; kuti vireke kundiusa! Penipo ndipo nkhaŵanga wambura kalema, ndi wambura kafukwa ku kupuruka kukuru.

Luka 2:51

Ndipo wangusikiya pamoza nawo, ndi ŵangufika ku Nazarete; ndipo wenga wakuthera kwaku wo: ndipo nyina wasungirizganga makani ghose gho mu mtima wake.