Sumu 119:102 - Tonga Bible 1986

¹⁰² Kuti ndapatukako cha ku visimisimi vinu, pakuti ndimwe mukundisambizga.

Sumu 119:102 Referans Kwoze

Sumu 18:21

Pakuti ndasunga nthowa za Ambuya, ndipo kuti ndachita uheni kupambana ndi Chiuta wangu cha.

1 Yohane 2:27

Ndipo imwe, chitukutizga cho munguronde kwaku iyo, chijaririye mwinu, ndipo kuti mukavuka cha kuti munthu wakusambizgeni; kweni uli ndimo chitukutuzga chake chikusambizgiyani ndi vinthu vyose ndipo nchakuneneska, ndi kuti nchitesi cha, jaririyani mwaku iyo, uli ndimo chakusambizgiyani.

1 ŴaTesalonika 2:13

Chifukwa chenichi nafwe so timwonga Chiuta kwambura kulekezga, kuti pakuronde kwaku ifwe mazu gha uthenga waku Chiuta, mungugharonde nge ndi mazu gha ŵanthu cha, kweni, mo ghaliri, nge ndi mazu ghaku Chiuta, ghenigho nagho ghatakataka mwaku imwe mwaŵakuvwana.

Nthanthi 5:7

Ndipo sono, mwaŵana mwe, tegherezgani kwangu, ndipo mungatuwangako cha ku mazu gha mlomo wangu.

1 Yohane 2:19

Ŵangutuwamo mwidu, kweni kuti ŵenga ŵamwaku ifwe cha; chifukwa asani ŵenga ŵamwaku ifwe, mphanyi ŵangujaririya pamoza nafwe; kweni ŵangutuwamo mwakuti kuziŵikwe kuti wose mba mwaku ifwe cha.

Yeremiya 32:40

Ndikapangananga nawo phanganu la muyaya, lakuti ine kuti ndikatuwangako cha ku kuŵachitiya umampha iwo; ndipo ndikaŵikangamo kopa mu mitima yawo, ndipo kuti ŵakatuwangako cha kwangu.

Jobu 36:22

Wonani Chiuta wakuzgika chifukwa cha nthazi zake; ndiyani msambizgi nge ndiyo?