Sumu 119:1 - Tonga Bible 1986

¹ Ŵakutumbikika ndi ŵeniwo ŵalivi kalema mu nthowa yawo, wo ŵatenda mu dangu la Ambuya.

Sumu 119:1 Referans Kwoze

Luka 11:28

Kweni iyo wanguti, “Viŵiviŵi kwari mbamwaŵi wo mbakuvwa mazu ghaku Chiuta ndi mbakughachita.”

Ezekiele 11:20

mwakuti ŵendenge mu virunguchizgu vyangu, kusunga ndi kuvwiya malangulu ghangu; ŵakaŵanga ŵanthu ŵangu, ndipo ine ndikaŵanga Chiuta wawo.

Yakobe 1:25

Kweni mweniyo ngwakulereska mu dangu lizirima lo la wanangwa, ndi wajaririya viyo, pakuŵa wakuvwa wachiruwa cha kweni wakuchita mlimu, wa mwenuyu waŵenge wamwaŵi mu kachitidu kake.

Sumu 128:1

Ngwakutumbikika yose yo watopa Ambuya, yo watenda mu nthowa zawo.

Yohane 13:17

Asani muziŵa vyenivi, mwe ŵamwaŵi asani mutivichita.

Luka 1:6

Ndipo ŵenga ŵarunji wose ŵaŵi pa maso paku Chiuta, ŵakwenda ŵambura kalema mwaku vyose vilangulu ndi vyeruzgu vya Ambuya.

Sumu 112:1

Rumbani Ambuya! Wakukondwa ndi munthu yo watopa Ambuya, yo wakondwere mu kuvwiya marangu ghawo.

Nthanthi 11:20

Ŵanthu ŵa miwongo yakurandizga mbukazuzi ku Ambuya, kweni wo mbakurunjika mu nthowa zawo wakondwa nawo.

Machitidu gha Ŵakutumika 24:16

Mwaku chenichi nacho nane ndilimbiya kuŵa ndi njuŵi zambura kalema kuchiri kwaku Chiuta ndi ku ŵanthu nyengo zose.

Sumu 101:2

Ndikajisunganga mu nthowa yambura kalema. A, kumbi muzenge zuŵanji kwaku ine? Ndendenge ndi mtima wakutowa mu nyumba yangu;

Hoseya 14:9

We yose yo ngwazeru, wawemo vinthu ivi, we yose yo ngwakuchenje waziŵi ivi, chifukwa nthowa za Ambuya zakunyoroka ndipo wakurunjika watenda mwakuzo, kweni ŵabudi ŵaguŵamo.

Chivumbuzi 22:14

Mbakutumbikika wo ŵasuka minjirira yawo, viyo kuti ŵaŵenge ndi mtufu pa muti wo wa umoyo, ndi kuti pamalikomo ŵaserenge kuya mu msumba wo.

Sumu 101:6

Ndizomerezganenge nawo wo mbakugomezgeka kwaku Chiuta, ndipo ŵakajanga mu nyumba yangu ya ufumu; wo ŵatenda mu nthowa yakurunjika ndiwo ŵakazomerezgekanga kunditeŵete.

2 ŴaKorinte 1:12

Chifukwa chitumbwa chidu nchenichi, chisimisimi icho cha njuŵi zidu, kuti mu charu ukongwako mwaku imwe tajijariya mu ukhovu ndi uneneska waku Chiuta, mu zeru ya ŵanthu cha, kweni mu wezi waku Chiuta.

Yohane 1:47

Yesu wangumuwona Natanele wachiza kwake, wanguti kwaku iyo, “Awonani, muYisraele nadi, mwaku mweniyo mulive urghargha!”

Jobu 1:8

Ndipo Ambuya anguti kwaku Satana, “Kumbi wamsanda muteŵeti wangu Jobu kuti mulive mu charu wakuŵa nge ndiyo, munthu wambura kalema, ndi murunji yo watopa Chiuta ndi wakupatukako ku uheni?”

Jobu 1:1

Kwenga munthu mu charu cha Uzu, yo zina lake lenga Jobu; munthu uyu wenga murunji ndi wakaunyoloka, wangopa Chiuta ndi wangutinkha uheni.

2 ŴaKaronga 20:3

“Kumbukani sono, Ambuya, nditukuŵeyereni mwenimo ndayende paurongo pinu mu ukongorekwa ndi mtima wose, ndipo ndachita cho nchamampha mu maso ghinu!” Ndipo Hezekiya wanguliya kwakuŵaŵa.

Nthanthi 13:6

Urunji utumuvikiriya mweniyo nthowa yake njakunyoroka, kweni uheni ugoda wamphulupulu.

2 Samuele 22:22

Pakuti ndasunga nthowa za Ambuya, ndi kuti ndachita uheni kutuwako kwaku Chiuta wangu cha.

Nthanthi 29:18

Kweniko kulivi kuchima, ŵanthu ŵataya kujitintha, kweni wakutumbikika ndi mweniyo wasunga dangu.