Sumu 118:7 - Tonga Bible 1986

⁷ Ambuya ŵe kuchiri kwangu kundovya; ndipo ndikawonanga kuthereskeka kwa ŵarwani ŵangu.

Sumu 118:7 Referans Kwoze

Sumu 59:10

Chiuta wangu mu chifundu chake wakumanenge nane; Chiuta wangu wakandiwoneskanga kuthereskeka kwa ŵarwani ŵangu.

Sumu 54:4

Ehe, Chiuta ndi movya wangu; Ambuya ndi muvikiriya wa umoyo wangu.

Sumu 54:7

Pakuti mwandipozomoska ku suzgu yose, ndipo jiso langu lalereska mwa upundi pa ŵarwani ŵangu.

Sumu 55:18

Wapozomoskenge mzimu wangu mu chimangu mu nkhondo yo nditurwa, pakuti ŵakumikana nane mbanandi.

Sumu 112:8

Kuti wasuzgika ndi maghanaghano pamwenga kuchita wofi cha, wafikapo mtima kuti wakawonanga ŵarwani ŵake ŵachithereskeka.

Sumu 92:11

Maso ghangu ghalereska kuwa pasi kwaŵarwani ŵangu; makutu ghangu ghavwa kubwanganduka kwa ŵakundiyukiya.

1 Mikoka 12:18

Penipo Mzimu unguza kwaku Amasai mura waku ŵa machumi ghatatu ndipo wanguti, “Te winu, A Davidi; ndi tekumoza nawe, mwana waku Jese! Chimangu, chimangu kwaku imwe, ndi chimangu ku ŵavwiri ŵinu! Chifukwa Chiuta winu watukovyani”. Ndipo Davidi wanguŵaronde ndi kuŵaŵika kuŵa ŵarongozgi ŵa maŵanja gha ŵankhondo ŵake.

Sumu 54:6

Ndi mpasku wa wanangwa ndiperekenge sembe kwaku imwe; ndiwongenge zina linu, Ambuya, chifukwa ndamampha.

Sumu 59:11

Rekani kuŵabaya, vinu ŵanthu ŵangu ŵangaruwa; muŵayungwiske ndi nthazi zinu, ndipo muŵawiskiye pasi, Ambuya mwe, nguru yidu.

Yesaya 41:13

Pakuti ine, Ambuya Chiuta wako, ndiko janja lako lakurghiya; ndine ndititi kwaku iwe, “Ungopanga cha, ndikakovyanga.”