Sumu 116:5 - Tonga Bible 1986

⁵ Ambuya mbamampha ndi ŵalisungu likuru; Chiuta widu ngwa chitima.

Sumu 116:5 Referans Kwoze

Sumu 145:17

Ambuya mbakurunjika mu nthowa zawo zose, mbalisungu mu nchitu zawo zose.

Sumu 103:8

Mba chitima ndi ŵawezi Ambuya, mba chizita mu kukaripa, kweni mbakuzala ndi chanju chakufikapo.

Ezra 9:15

Ambuya Chiuta waku Yisraele, imwe mwe ŵakunyoroka, pakuti tajako ifwe takutaskika, mo kulili msana wale. Wonani, tijichepeska pauronga pinu chifukwa cha matewu ghidu; palivi yumoza waziŵa kuma paurongo pinu chifukwa chaku gho.”

Sumu 119:137

Ndimwe akurunjika, Ambuya, ndipo marangu ghinu ngakurunjika.

Sumu 86:15

Kweni imwe, Ambuya, mwe Chiuta walisungu ndi wakwanja, wachizita ku ukari, nyengo yose waulemu ndi ukongorekwa.

Nehemiya 9:8

ndipo mungusaniya kuti wenga wa mtima wamagomekezgeka paurongo pinu, ndipo munguchita nayo phanganu pakupaska mphapu yake charu cha ŵaKanani, ŵaHiti, ŵaAmoni, ŵaPerezi, ŵaYebusi ndi ŵaGirgashi. Ndipo mukufiska phanganu linu pakuti mwe ŵarunji.

1 Timote 1:14

ndipo ungufurwiya ukongwa wezi wo wa Ambuyafwe pamoza ndi chivwanu ndi chanju chamwaku Kristu Yesu.

Danyele 9:14

Pa chifukwa ichi Ambuya ŵasunga soka ili ndi ŵaliŵika paku ifwe! Chifukwa Ambuya Chiuta widu ndi murunji mu nchitu zose zo wachita, ndipo kuti tavwiya mazu ghake cha.

Danyele 9:7

Ambuya kwaku imwe kwe urunji, kweni kwaku ifwe kwe abudi, ndi soni pa visku. Nge ndi msana uno, ku ŵanthu ŵaku Yuda, ku ŵakuja mu Yerusalemu ndi ku Yisraele yose, wo ŵe pafupi ndi wo ŵe kutali mu vyaru vyose mwaku vyo mukuŵadikiskiya, chifukwa cha maubendezi gho ŵakuchita kwaku imwe.

Yesaya 45:21

Taulani ndi longoni mulando winu; ŵarekeni ŵapangane fundu pamoza! Njani wangukamba ichi kale ukongwa? Njani yo wangutaula gha mwaka? Kuti ndenga ine cha Ambuya? Ndipo palivi Chiuta munyake pade paku ine, Chiuta murunji ndi Mtaski; palivi munyake pade paku ine.

1 Yohane 1:9

Asani tizomera vilakwa vidu, ngwamagomekezgeka ndi murunji kutireke vilakwa vidu, ndi kutitozga ku uwura-urunji wose.

ŴaEfeso 2:4

kweni chiuta, pakuŵa msambasi mu lisungu, chifukwa cha chanju chake chikuru chenicho wangwanja nacho ifwe,

Danyele 9:9

Ku Ambuya Chiuta widu, kwe lisungu ndi chigowoke; chifukwa tamunangiya,

Yeremiya 12:1

Murunji ndimwe, Ambuya mwe, po ndidandauliya kwaku imwe; kweni ndikaperekanga makani ghangu paurongo pinu. Chifukwa chine nthowa ya muheni yisakata? Wakupusika chifukwa chine watuŵa wamoyo?

Sumu 115:1

Kwaku ifwe cha, Ambuya, kwaku ifwe cha, kweni ku zina linu paskani unkhankhu, chifukwa cha chanju chinu chakufikapo ndi ukongorekwa winu!

Sumu 112:4

Ku ŵanthu ŵamampha ukweru uŵala mu mdima, kwakuŵeniwo mbawezi, ŵalisungu, ndi wakurunjika.

Sumu 86:5

Pakuti mwe amampha, Ambuya, ndi akugowoke; mwaŵakuzara chanju chakufikapo kwaku wose wo ŵadana kwaku imwe.

Nehemiya 9:33

Imwe mwaŵa ŵakongolekwa mwaku cho chatiziya ifwe, pakuti imwe mwachita kwamagomekezgeka ndipo ifwe tachita kwakunanga;

Nehemiya 9:31

Ndipuuli mu malisungu ghinu ghakuru kuti mungumarana nawo cha pamwenga kuŵajowo; pakuti mwe Chiuta wawezi ndi walisungu.

Nehemiya 9:17

ŵangukana kuvwiya, ndipo kuti ŵangughanaghanako cha vya minthondwi vyo munguchita mwawo; kweni ŵangungangamiska khosi lawo ndi ŵangumika murongozgi kuti ŵaweriyenge ku uŵanda wawo mu Egipiti. Kweni imwe mwe Chiuta yo we muchanya kale kugowoke, wa wezi ndi walisungu, mwambura kukala ruŵi ndi wakuzala chifundu, ndipo kuti munguŵajowo cha.