Sumu 111:2 - Tonga Bible 1986

² Zikuru nchitu za Ambuya, zisandika ndi wose wo ŵakondwere mwaku zo.

Sumu 111:2 Referans Kwoze

Sumu 104:24

Ambuya, mwachita vinthu vinandi ukongwa! Ndi zeru yinu mwachita ivi vyose! Charu chapasi chazaza ndi vyose imwe mwalenga.

Nthanthi 24:14

Uziŵe kuti ndimu yilili zeru kumzimu wako; asani wayibowozga, kukaŵanga umukucha weneko, ndipo gomezgu lako kuti likadumulikangako cha.

Sumu 143:5

Ndikumbuka mazuŵa gha mwaka; ndirunguruka ndi vyose vyo mukuchita, nditaskavya nchitu za manja ghinu.

Sumu 139:14

Ndimurumbani chifukwa mwe ŵakofya ndi ŵakuziziswa. Zakuziziswa nchitu zinu! Mutindiziŵa kwakufikapo;

Chivumbuzi 15:3

Ndipo ŵambanga sumu yaku Mosese, muŵanda waku Chiuta, ndi sumu ya Mwana-mberere yo, ŵakuti, “Ngakuru ndi ngakuziziswa machitidu ghinu, Ambuya Chiuta, Mwaŵanthazizose! Ngakurunjika ndi ngakuneneska mendedu ghinu, mwa karonga wa migonezi!

ŴaEfeso 1:19

ndiwo ukuru wa nthazi yake kuchiri kwaku ifwe taŵakuvwana, nthazi uli ndi kachitidu ka ukumu wa nthazi zake,

Danyele 4:3

Mbukuru nawo wavisimikizgu vyake! Mbukuru nawo wa vyakuziziswa vyake! Ufumu wake mbufumu wa muyaya, ndipo muwusu wake ngwa mgonezi ndi mgonezi.

Wakutaula 3:11

Wachita vinthu vyose kuŵa vyakutowa mu nyengo yake; waŵika so umuyaya mu mtima wa munthu kweni ndipuuli palivi yo waziŵiska cho Chiuta wachita kutuliya ku kwamba mpaka ku umari.

Nthanthi 17:16

Chifukwa nchine chakuti wakupusa waŵi ndi malonda mu janja lake kugula zeru, penipo walivi maghanughanu?

ŴaRoma 8:6

Asani vinjeru vyako virongozgeka ndi vyo kaŵiro ka unthu kakhumba, vikakurongozgiyanga ku nyifwa, kweni asani vinjero vyako virongozgeka ndi vyo Mzimu ukhumba vikakurongozgiyanga ku umoyo ndi chimangu.

ŴaRoma 1:28

Ndipo uli ndimo ŵangukaniya kuŵa ndi Chiuta mu mziŵiru wawo, Chiuta iyo wanguŵapereka ku chinjeru chauzereza kuchita vyamwikhu,

Jobu 37:7

Wajara ndi chizighiriyo janja la munthu we yose, mwakuti ŵanthu wose ŵaziŵe nchitu yake.

Jobu 9:10

ndiyo wachita vinthu vikuru vyambura kuziŵikwa ndi vinjeru vidu, ndi vinthu vinandi vyakuziziswa vyambura maŵerengeka.

Jobu 5:9

Mweniyo wachita vinthu vikuru, ndi vyambura kulondoreka, vinthu vyakuziziswa vyambura kuŵerengeka.

Yesaya 40:12

Njani yo wapima maji gho ghe mu chisima cha janja lake ndi kwesa machanya ndi chikufi, kuŵika fuvu la charu chapasi mu chakwesiyamo ndi kupima mapiri mu vyakwesiyamo ndi mitunthu mu mweso?

Sumu 107:43

Wo wose mba zeru ŵaghaneghane ndi vinthu ivi ŵaziŵiske ndichanju chakufikapo cha Ambuya.

Sumu 104:34

Mphanyi Ambuya akondwa ndi sumu yangu, chifukwa atindikondweska.

Jobu 37:14

“Vwani ichi, A! Jobu; chetamani ndi tegherezgani ndi ghanaghanani ndi nchitu zakuziziswa zaku Chiuta.

Sumu 118:15

Avwani kukambura kwa likondwa la upundi mu mahema gha ŵarunji: “Janja lakurghiya la Ambuya lachita ichi!