Sumu 110:3 - Tonga Bible 1986

³ Wanthu ŵako ŵakajiperekanga ndi mtima mu zuŵa lo urwani ndi ŵakupindikana ŵako. Nge ndi dungwi la kumatandakucha, ŵanyamata ŵako ŵakakuziyanga pa mitunthu yakupaturika.

Sumu 110:3 Referans Kwoze

Ŵeruzgi 5:2

“Kuti ŵarongozgi ŵangurongozga mwaku Yisraele, ŵanthu ŵangujipereka ndi mtima wose, tumbikani Ambuya!

ŴaHebere 13:21

wakongoreske imwe ku mlimu wose wamampha, kwachichita khumbu lake, ndi watataliye mwaku imwe cho nchakukondweska paurongo pake, mwakuYesu Kristu; kwaku mweniyo kuŵiyenge unkhankhu muyaya-muyaya, Ameni.

Tito 2:14

mweniyo wangujipaska pa chifwa chaku ifwe, alinga kuti wawombolenge ifwe kwamu uchikana marangu wose, ndi wajitozgiyenge khamu lapa mtima wake, lakupamphukiya nchitu zeneko.

1 ŴaTesalonika 4:7

Chifukwa Chiuta kuti wangutidaniya ku wiyu cha, kweni ku upaturika.

ŴaEfeso 1:4

uli ndimo wangutisankhiya limu mwaku iyo, chenga chindajarikike charu, kuti tiŵenge ŵakupaturika ndi ŵambura kalema paurongo pake.

Chivumbuzi 7:9

Pavuli paku ivi ndingulereska, ndipo, onani, mzinda ukuru, weniwo pengavi munthu wanguziŵa kuŵerenga ŵakutuwa, mu mtundu we wose, ndi mu mafuku, ndi makamu, ndi marongoroledu, ŵamanga paurongo pa chitengu chaufumu cho, ndi paurongo pa Mwana-mberere yo, ŵakuvwara makhanju ghatuŵa, ndi ŵakukoreze ŵakanchindu mu manja ghawo,

2 ŴaKorinte 13:4

Chifukwa nanga wangupayikikiya mu unthomboru, ndikweni wajariya wamoyo mu nthazi yaku Chiuta. Chifukwa nafwe te ŵakutomboroka mwake, kweni pakutakataka ndi imwe tijariyenge ŵamoyo pamoza ndi iyo mu nthazi yaku Chiuta.

2 ŴaKorinte 8:16

Kweni wawongeke Chiuta, yo waŵikamu mtima waku Tito linweka lenilo pe lapa chifwa chaku imwe.

2 ŴaKorinte 8:12

Chifukwa asani upusuwo ulipo, mpasku ngwamarondeka uli ndimo munthu waliri nacho, uli ndimo wauriyavi cha.

Machitidu gha Ŵakutumika 21:20

Ndipo pakuvwa iwo ŵamkankhuskanga Chiuta; ndipo ŵangumunene, “Uwona, mbali, kuti vikwi vinandi mu ŵaYuda vivwana; ndipo wose ŵa mbaphamphu ku chilangulu cho.

Sumu 96:9

Sopani Ambuya mu utozi ndi urunji; charu chose chitentheme paurongo pawo.

ŴaFilipi 2:13

chifukwa ndi Chiuta yo watakataka mwinu pose paŵi pa kukhumba ndi pa kuchita, chifukwa cha likondwa lake lamampha.

Machitidu gha Ŵakutumika 2:41

Viyo ŵeniwo ŵanguronde mazu ghake ŵangubatizika, ndipo kungukuskikiyako kwaku wo mu zuŵa liya mizimu ankhumba vikwi vitatu (3,000).

Machitidu gha Ŵakutumika 2:33

Viyo pakukwezgeke ku marghe ghaku Chiuta ndipo wati waronde ku Dada chipanganu cho cha Mzimu Wakupaturika, wapunguliya paku ifwe chenicho imwe muwona ndi mutuvwa.

Machitidu gha Ŵakutumika 1:8

Kweni mwamronde nthazi wati waziya paku imwe Mzimu Wakupaturika, ndipo mundiŵiyenge ŵakaboni mosemose mu Yerusalemu, ndi mu Yuda yose ndi Samaria, ndi ku vigoti vya panupasi.”

1 Mikoka 16:29

Perekani ku Ambuya unkhankhu wakwenere zina lake, toni sembe ndi zani nayo paurongo pake! Ŵalambiyeni Ambuya mu utozi wa utuwa wawo,

Machitidu gha Ŵakutumika 19:20

Kwamazaza viyo ghakuwanga ndi ghapundanga mazu gha Ambuya.

Machitidu gha Ŵakutumika 4:4

Kweni ŵanandi ŵaku wo ŵangughavwa mazu ŵanguvwana; ndipo unandi wa ŵanthurumi ungufika akhumba vikwi vinkhonde (5,000).

Nehemiya 11:2

Ndipo ŵanthu ŵangutumbika wo wose ŵangujipereka kwachija mu Yerusalemu.

Ezekiele 43:12

Ili ndi dangu la kasopi: charu chose chakuzingirizga pachanya pa phiri chikaŵanga chakupaturika kwakuruska. Awona, ili ndi dangu la kasopi.

Ŵeruzgi 5:9

Mtima wangu utuliya ku ŵakulangula ŵaku Yisraele wo ŵangujipereka ndi mtima wose mukati mu ŵanthu. Tumbikani Ambuya.

Sumu 29:2

Paskani ku Ambuya unkhankhu wa zina lawo; gwadiyani Ambuya mu utozi ndi utuŵa.

Mika 5:6

Iwo ŵakausanga charu cha Asiriya ndi lipanga ndi charu chaku Nimirodi ndi lipanga lakukhwetuwa; ndipo ŵakatitaskanga ku ŵaAsiriya po ŵatuza mu charu chidu ndi kukanda mu mphaka zidu.