Sumu 109:31 - Tonga Bible 1986

³¹ chifukwa ŵavikiriya msauchi ndi kumutaska kwaku wo ŵatimweruzgiya ku nyifwa.

Sumu 109:31 Referans Kwoze

Sumu 121:5

Ambuya asungenge iwe; Ambuya ndi mduzi wako ku janja lako la marghe.

Sumu 16:8

Nyengo zose ndiŵika Ambuya paurongo pangu, kuti nkhasukuniskikanga cha, chifukwa we pafupi nane.

Sumu 140:12

Ndiziŵa kuti, Ambuya muvikiriye mrandu wa ŵakusuzgika, ndi kupaska cheruzgu chirunji ku musauchi.

Sumu 110:5

Ambuya ŵe kuchiri kumarghe ghako; akathereskanga ŵakaronga pa zuŵa la ukari wawo.

Sumu 73:23

Kweni ndipuuli ine nde pamoza namwe nyengo yose, imwe mutindiko pa janja.

Yesaya 54:17

palivi chidya cho chapangikiya paku iwe chikachitanga kanthu, iwe ukasuskanga lilime lose lenilo litukuyukiya mu cheruzgu. Ichi nchihara cha ŵateŵeti ŵa Ambuya, ndi kurunjiskika kwawo kwakutuliya kwangu, atiti Ambuya.”

Wakutaula 5:8

Asani uwona kunyekezgeka kwa ŵakusawuka ndi kurandizgika kwa cheruzgu ndi urunji mwa chiwawa pa chigaŵa chinyake cha charu ungazizwanga paku ichi cha; pakuti wamazaza yo walereskeka ndi wamazaza wakuruska iyo, ndipo so walipo wamazaza wakuruska iwo.

Sumu 72:4

Karonga weruzgenge ŵakavu mu urunji; wawovyenge ŵakusauka, ndi kuthereska wo ŵati ŵasuzga!

Sumu 68:5

Uskeu wa ŵaranda, muvikiriyi wa vyoko, ndi Chiuta wakuja munyumba yake yakupaturika.

Sumu 109:16

Munthu yo kuti waghanaghanako ndi kuŵa walisungu cha; kweni wanguzingizga ndi kubaya, mukavu, msauchi, ndi wakusweka mtima.

Sumu 10:14

Imwe mwawona; inya, mwapanikizga suzgu ndi chigwinini, mwakuti muvitore mu manja ghinu; wakusauka watijipereka kwaku imwe; imwe mwaŵa movya wa ŵaranda.