Sumu 109:29 - Tonga Bible 1986

²⁹ Ŵarwani ŵangu ŵarengeskeke; ŵavware soni zawo nge nchirundu!

Sumu 109:29 Referans Kwoze

Sumu 132:18

Ŵarwani ŵake ndikaŵavwarikanga soni, kweni paku iyo mweneko chifuku chake chikaperekanga kuŵala.”

Sumu 35:26

Ŵachiti soni ndipo wose pamoza ŵatimbanizgike, wo ŵakondwa pa soka langu! Ŵavware soni ndi chilengesku wo ŵatijikuzga pakumikana nane!

Jobu 8:22

Wo ŵatikutinkha ŵakaŵanga ndi soni, ndi hema la mulakwi kuti likaŵangapo so cha.”

Yeremiya 20:11

Kweni Ambuya ŵe nane uli ndi wankhondo wakofya; chifukwa cho ŵakundisuzga ŵakaguŵanga, kuti ŵakandipundanga cha. Ŵakalengeskekanga weniukongwa, chifukwa kuti ŵakachitangapo kanthu cha, kuyuyulika kwawo kwa muyaya kuti kukaruwikanga cha.

Mika 7:10

Viyo murwani wanguwakawonanga, ndipo soni zikonge yo wanguti kwaku ine, “Ŵepani Ambuya Chiuta wako?” Maso ghangu ghamudodoleskenge; sono wakandirizgikiyenge pasi nge ndi dongo lamu gurwi.

Danyele 12:2

Ndipo ŵanandi wo ŵagona mu fuvu la charu ŵayukenge, ŵanyake ku umoyo wa muyaya, ndi ŵanyake ku soni, ndi chilengesku cha muyaya.

Sumu 140:9

Ŵakundizingirizga ŵasoska mutu wawo; mahomwa ghawo ghawiye pa ŵeneko.

Sumu 6:10

Ŵarwani ŵangu wose ŵalengeskekenge ndi ŵatenthemenge ukongwa; ŵakaweriyanga kuvuli, ŵakachitanga soni kwamabuchibuchi.