Sumu 107:7 - Tonga Bible 1986

⁷ Anguŵarongozga mu nthowa yakunyoroka, mpaka ŵangufika ku muzi wakujamo.

Sumu 107:7 Referans Kwoze

Yeremiya 31:9

Ŵakazanga ndi kuliya, ndipo ndikaŵarongozganga ndi kuŵapembuzga, ndikaŵendeskanga pafupi pa tumisinji twa maji, mu nthowa yakunyoroka mo kuti ŵakaguŵanga cha, pakuti nde wiske waku Yisraele, ndipo Efraimu ndi mwana wangu wa umwali.

ŴaHebere 12:22

Kweni mwaziya ku phiri Zioni ku Msumba waku Chiuta wamoyo, Yerusalemu wakuchanya, ndi ku maurapasi ghakuru gha ŵangelo,

Sumu 77:20

Mungurongozga ŵanthu ŵinu nge ndi muskambu, ndipo Mosese ndi Aroni ndiwo ŵenga ŵakuŵatufuliya.

2 Petro 2:15

Mbana ŵakutembeka; pakusiya nthowa yakurunjika, ŵarandizgika mu kurondo karusu kaku Balamu, mwana waku Beori, mweniyo wangwanja mphotu ya uwura urunji;

ŴaHebere 11:16

Kweni sono ŵanweke chamamphako, ndicho chakuchanya: ndiviyo Chiuta walive soni nawo, kutamulika Chiuta wawo: chifukwa waŵarongosole msumba.

Yesaya 30:21

Ndipo makutu ghinu ghakavwanga mazu kuvuli kwinu, kuti, “Nthowa ndi iyi, yendaninga mwaku yo,” penipo mupatukiya ku marghe ndi penipo mupatukiya ku maze.

Sumu 107:36

Ŵanja ŵati ŵajarika mwenimuwa, ndipo ŵazenga mizi yakujamo.

Sumu 107:4

Ŵanyake ŵanguyingayinga mu bozwa la chiparamba, ndipo kuti ŵangusaniya nthowa ya ku muzi wakujamo cha.

Sumu 78:52

Sono wangurongozga khamu lake nge ndi mliska; wangurongozga mu bozwa.

Nehemiya 11:3

Yaŵa ndiwo ŵaraŵara ŵa vigaŵa ŵeniwo ŵajanga mu Yerusalemu; kweni mu mizi yaku Yuda munthu we yose wajanga pa malo mweneko, mu mizi yawo: Yisraele, ŵazukuru, ŵaLevi, ŵateŵeti ŵa kasopi, ndi ŵamphapu ya ŵateŵeti ŵaku Solomoni.

2 Petro 2:21

Chifukwa kwenga kwamamphaku kwaku wo kuura kuyiziŵiska nthowa yo ya urunji, kwakuruska kuti, ŵati ŵayiziŵa, ŵanyongokeko ku dangu lakupaturika lo, lakuperekeka kwaku wo.

Yeremiya 31:24

“Ndipo Yuda ndi mizi yake yose, ŵakajanga pamoza mwenimuwa, ŵalimi pamoza ndi wo ŵayingayinga ndi miskambu yawo.

Yeremiya 6:16

Viyo atiti Ambuya: “Mani mu zinthowa, ndipo lereskani, fumbani nthowa za mwaka, ko kwe nthowa yamampha; ndipo mwende mwaku yeniyo! Ndipo musaniye chipumulu cha mizimu yinu. Kweni iwo ŵanguti, ‘Kuti tendenge mwaku yo cha.’

Yesaya 48:17

Viyo atiti Ambuya, Muwombozi winu, Mtuŵa Yumoza waku Yisraele: “Ndine Ambuya Chiuta wako, mweniyo watikurunguchizga kusakata, mweniyo watikurongozga mu nthowa yeniyo utenere kwendamo.

Sumu 136:16

wangurongozga khamu lake mu bozwa, chifukwa nchamuyaya chifundu chake.

Maŵerengedu 9:22

Manyi ghenga mazuŵa ghaŵi, pamwenga mwezi, pamwenga kuruska po, gho mtambo ungutandaliya pa chihema, kuja penipo, ŵaYisraele ŵangujaliliya mu ugoŵi kuti ŵangwenda lwendo cha; kweni po ungukwezgeke kuchanya ŵangwenda.

Yesaya 32:18

Ŵanthu ŵangu ŵakajanga mu uja wa chimangu, mu vyakujamo vyakukho, ndi mu malo ghachipumulu gha chisisi.