Sumu 107:3 - Tonga Bible 1986

³ ndi kumuwezgani kutuwa mu vyaru vya chilendo, kutuwa ku vuma ndi ku zambwe, ku nkhonde ndi ku malaŵi.

Sumu 107:3 Referans Kwoze

Sumu 106:47

Titaskeni, Ambuya Chiuta widu, ndipo mutituzgemo mukati mu mitundu, alinga kuti tirumbe zina lakupaturika, ndikwangara pa kumuwongani imwe.

Chivumbuzi 5:9

Ndipo ŵambanga sumu zifya, ŵakuti, “Wakwenere ndimwe kuto buku lo, ndi kumatuwa vizighiri vyake: pakuti mungubayika, ndipo mwaŵawombole kwaku Chiuta ndi ndopa zinu ŵanthu ŵamu fuku lose, ndi karongoroledu, ndi khamu ndi mtundu;

Yeremiya 29:14

Ndikasanirikanga ndi imwe, atiti Ambuya, ndipo ndikakuwezgiyaninga umampha ndikukuunjikani pamoza kutuwa ku mitundu yose ndiku malo ghose kweniko ndikukudikiskiyani, atiti Ambuya, ndipo ndikakuwezgiyaninga ku malo kweniko ndingumutuzgani kuya ku umkoli.

Ezekiele 39:27

nditakuti ndaŵawezga kutuwa mu wanthu ndi kuŵaunjika kutuwa mu vyaru vya ŵarwani ŵawo, ndi kuvumbuliya mwaku iwo utuŵa wangu mu maso gha mitundu yinandi.

Ezekiele 36:24

Chifukwa ndimutoninga kutuwa mu mitundu, ndi kumuwunjikani kutuwa mu vyaru vyose, kuza namwe mu charu chaku mwaŵeni.

Yeremiya 31:10

“Avwani mazu gha Ambuya, mwa ŵamitundu, ndipo mughataule mu malikumba gha kutali: Munene, ‘Yo wanguparghang'a Yisraele wakawunganiskanga ndipo wakamusunganga uli ndimo muliska wasungiya mskambu wake.’

Yeremiya 31:8

Ehe ndikazanga nawo kutuwa ku charu cha ku nkhonde, ndi kuŵaunjika kutuwa kutali ku umari wa charu chapasi, mukati mwawo mwe wachiburumutiya, ndiwakupunduka, munthukazi wakuŵa ndi nthumbo ndi yo ŵemu urwirwi wakupapa, wose pamoza; mpingu ukuru, ŵakawerenga kuno.

Marangu 30:3

penipo Ambuya Chiuta winu wakamuwezgiyaninga mwaŵi winu, wakamufwiyaninga lisungu, ndipo wakamuwunjikaninga so pamoza kutuwa ku ŵanthu wose kweniko Ambuya Chiuta winu wakuparghang'iyani.

Ezekiele 20:34

Ndikamutuzganinga kutuwa mu mitundu ndi kumuwunjikani kutuwa mu vyaru mo mukuparghang'ikiya, ndi janja la nthazi ndi mkono wakutambaruka, ndi kupungulika kwa ukari;

Yesaya 56:8

Viyo atiti Ambuya Chiuta, mweniyo wawunjika ŵakutayika ŵaku Yisraele, ndikawunjikanga mbwenu ŵanyake kwaku iyo pade paku wo ŵakuwunjikika kale.”

Yesaya 49:12

Inya, yaŵa ŵakatuwanga kutali, inya, yaŵa ŵakutuwa ku nkhonde ndi kuzambwe, ndi yaŵa kutuwa ku charu cha Siyene.”

Yesaya 54:7

Kwa nyengo yimanavi ndingukujowo, kweni ndi chitima chikuru ndikakuwunjikanga.