Sumu 107:14 - Tonga Bible 1986

¹⁴ Anguŵatuzga mu mdima ndimu munkhorwi, ndi kudumuwa ma unyoro ghawo.

Sumu 107:14 Referans Kwoze

Yesaya 42:16

Ndipo ndikarongozganga ŵachiburumutiya mu nthowa yo ŵalivi kuyiziŵa, mu tunthowa to ŵalivi kutuziŵa kale ndikaŵarongozganga. Ndikasanduskanga mdima wa paurongo pa wo kuŵa ukweru, malo ghavibokuboku kuŵa ghakunyoroka. Ivi vinthu ndi vyo nkhachitanga, kuti nkhavirekanga cha.

Sumu 116:16

Ambuya mwe, ndine mteŵeti winu, nditeŵete imwe, nge ndimo ama anguchitiya. Mwandijarika muwanangwa.

ŴaEfeso 5:8

chifukwa kali mwenga mu mdima, kweni sono mwe kungweruka mu Mbuya: yendani ulaka mbana ŵa kungweruka

1 Petro 2:9

Kweni ndimwe fuku lakusankhika, uzukuru waufumu, mtundu wakupaturika, khamu lapa mtima wake, viyo kuti mutaulenge maumampha ghaku mweniyo wangumdanani mu mdima kuyiya ku ukweru wake wakuzizwiska;

Sumu 107:10

Ŵanyake ŵanguja mu mdima ndi mu munkhorwi, ŵakumangika ŵangusuzgika mu maunyolo;

Yesaya 61:1

Mzimu wa Ambuya Chiuta wa paku ine, chifukwa Ambuya andipaka ine kutole makani ghamampha mu ŵakuyuzgika; andituma kwachimanga ŵakusweka mtima, kumemeza chifwatuwa ku ŵamagoŵa, ndi kujurika kwa nyumba ya magoŵa kwaku wo ŵakumangika;

Machitidu gha Ŵakutumika 5:25

Ndipo yumoza pakuzako wanguŵatauliya, “Awonani, ŵanthurumi wo mungutaya mu ulinda, ŵatuma mu kasopi ndi ŵasambizga khamu lo.”

Machitidu gha Ŵakutumika 5:19

Kweni mungelo wa Ambuya ndi usiku wangujurako ku makhomo gha ulinda wo, ndipo wati waŵarongozge kubwaro wanguti,

Luka 13:16

Ndipo asi kungwenere kuti uyu, mwana munthukazi waku Abrahamu, mweniyo Satana wangumanga, alereni, virimika chumi pachanya vinkhonde ndi vitatu, wafwatulike ku chimangiru chenichi pa zuŵa la Sabata?”

Sumu 102:20

Kuvwa kutamantha kwa ŵakumangika, ndi kuŵafwatuwa wo ŵangweruzgikiya ku kubayika.

Sumu 68:6

Wapaska ku ŵakusauka muzi wakujamo; ndi kurongozge ŵakumangika kubwalo mu likondwa la wanangwa; kweni ŵachigaruka ŵakajanga mu charu cha chiparamba.

Jobu 36:8

Ndipo asani ŵamangika ndi maunyoro ndi kukoreka mu vingwe vya masuzgu,

Yesaya 49:9

kunene wamagoŵa, ‘Tuwani!’ Kwaku wo ŵe mu mdima, ‘Wonekani!’ Iwo wakarghanga mu nthowa zose, pa mitunthu yose yambura kanthu pakaŵanga chipozwa chawo,

Sumu 146:7

wateruzga umampha ŵakusuzgika ndipo wapaska kurgha ku ŵanja. Ambuya afwatuwa ŵakumangika.

Jobu 33:30

kuwezga mzimu wake ku muunda, mwakuti wawoni ukweru wa umoyo.

Jobu 3:5

Mdima ukuru ndi mduzi wa nyifwa viliŵange kuŵa lawo. Mitambo yiwe pachanya pake, mdima wa zuŵa ulitenthemeske.

Jobu 19:8

Wandizingirizga ndi lisitu kujara nthowa yangu kuti ndireke kujumpha, waŵika mdima pa zinthowa zangu.

Jobu 15:30

kuti wakathaŵanga mdima cha, mlipu wa moto ukamaliskanga mphanda zake, ndi maluŵa ghake ghakaputiskikanga kutali ndi mphepu.

Jobu 15:22

kuti wagomezga cha kuti wakatuwangamo mu mdima, ndi kuti lipanga litumurindizga.