Sumu 107:12 - Tonga Bible 1986

¹² Mitima yawo yingulakatuka chifukwa cha nchitu zikuru; ŵanguwa pasi, ndipo pengavi wakuwovya.

Sumu 107:12 Referans Kwoze

Sumu 22:11

Mungajanga kutali ndi ine, chifukwa suzgu ye pafupi ndipo wakundovya palivi.

Chituwa 2:23

Pavuli pa mazuŵa ghanandi karonga wa Egipiti wangufwa. Ndipo ŵaYisraele ŵangukomwa mu uŵanda wawo, ndipo wanguliriya chovyo, ndipo kuliya kwawo kwa mu uŵanda kungufika kwaku Chiuta.

Yesaya 51:23

ndipo ndikachiŵikanga mu janja la ŵakumusuzgani, wo ŵarongoro kwaku imwe, kuti, ‘Gwadani pasi kuti tikeko’, ndipo imwe mwachita msana winu nge mphasi, ndi uli ndi museu wakukamo.”

Yesaya 63:5

Ndingulereska, mweni pengavi yumoza wakovya; ndingopa ukongwa kweni pengavi wakuvikiriya; viyo janja laku ndamweni lingunditole kupunda, ndipo ukari wangu ungundivikiriya.

Yesaya 52:5

Chifukwa chenichi sono ndendi chine pano, atiti Ambuya, pakuwona kuti ŵanthu ŵangu ŵaruta nawo kwambura kanthu? Weruzgi ŵawo ŵatenjerwa, atiti Ambuya, ndipo kwakukiyakiya zuŵa lose zina langu litozeka.

Jobu 9:13

“Chiuta kuti wakawezgiyanga vuli cha ukari wake; pasi pake ŵakovya ŵaku Rahabi ŵasindama.

Nehemiya 9:37

Ndipo vipasi vyake vyakuzala viruta ku ŵakaronga wo mukumika paku ifwe chifukwa cha vilakwa vidu; ŵendi mazaza so pa maliŵavu ghidu ndi pa ng'ombe zidu mo ŵakhumbiya, ndipo temu suzgu yikuru.”

2 ŴaKaronga 6:33

Ndipo penipo weche kurongoro nawo, karonga wanguza ndi wanguti, “Suzgu iyi njakutuliya ku Ambuya! Kafukwa nkhane kakuti ndilindizgenge mbwenu ku Ambuya?”

Ŵeruzgi 16:30

Ndipo Samsoni wanguti, “Ndifwe pamoza nawo ŵaFilisti.” Sono wangukotama ndi nthazi zake zose; ndipo nyumba yinguwiya pa mafumu ndi pa ŵanthu wose wo ŵenga mwenimo. Viyo wakufwa wo wangubaya pa nyifwa yake ŵenga ŵanandi kwakuruska wo wangubaya pa umoyo wake.

Sumu 142:4

Ndilereskauku ndi uku ndiwona kuti kulivi nanga njumoza wakundovya; kulivi nanga njumoza wakundivikiriya; kulivi nanga njumoza wakundiphwere.

Ŵeruzgi 16:21

ŴaFilisti ŵangumuko ndi ŵangumpokozo maso, ŵanguza nayo ku Gaza, wangumumanga ndi maunyoro gha mkuŵa; ndipo waperanga pa mphe mu nyumba ya ukaidi.

2 ŴaKaronga 14:26

Pakuti Ambuya anguwona suzgu ya paku Yisraele kuti yenga yizitu, chifukwa pengavi yumoza wakujako, muŵanda pamwenga mwanangwa, ndipo pengavi nanga jumoza wakovya Yisraele.