Sumu 106:8 - Tonga Bible 1986

⁸ Kweni ndipuuli wanguŵataska, nge ndimo wangupanganirana, mwakuti waŵarongo nthazi yake yikuru.

Sumu 106:8 Referans Kwoze

Ezekiele 20:9

Kweni pa chifukwa cha zina langu, ndingureka alinga kuti lireke kufipiskika mu maso gha mitundu yo iwo ŵaja mukati mwawo, mu maso ghaku ŵeniwo ndingujiwoneska pakuŵatuzga iwo mu charu cha Egipiti.

Chituwa 9:16

Kweni pa chifukwa ichi ndamuzomerezgani kuŵa ŵamoyo, kumurongoni nthazi yangu, alinga kuti zina langu litaulike mu charu chose chapasi.

Ezekiele 20:14

Kweni pa chifukwa cha zina langu ndingureka alinga kuti lireke kufipiskika mu maso gha mitundu, mu maso ghaku ŵeniwo ine ndinguŵatuzga iwo.

ŴaRoma 9:17

Chifukwa lembo lo lititi kwaku Farao, “Kwaku chenichi ndicho ndingukuyuskiya, chakuti ndirongolenge mwako nthazi yangu, ndipo chakuti zina langu liwandiyenge mu charu chose chapasi.”

Ezekiele 20:44

Ndipo mukaziŵanga kuti ine ndine Ambuya, po ndikakuchitiyanga pa chifukwa cha zina langu, kuti kwakuyana ndi nthowa zinu ziheni cha, pamwengakwakuyana ndi nchitu zinu zakuvunda cha. Owe nyumba yaku Yisraele, atiti Ambuya Chiuta.”

Ezekiele 20:22

Kweni ndingukanizga janja langu, ndipo ndinguchita chifukwa cha zina langu, alinga kuti lireke kufipiskika mu maso gha ŵamitundu, mu maso ghaku ŵeniwo ndinguŵatuzga iwo.

Yeremiya 14:21

Rekani kutitaya, chifukwa cha zina linu; rekani kuyuyuwa chitengo chinu cha unkhankhu; kumbukani phanganu linu ndi ifwe, rekani kuliswa.

Yoswa 7:9

Chifukwa ŵaKanani ndi wose ŵakuja mu charu cho ŵakachivwanga ichi, ndipo ŵakatizinganga, ndi kutuzgapo zina lidu mu charu chapasi sono imwe mukalichitiyanganji zina likuru?”

Chituwa 15:6

Janja linu lakurghiya, Ambuya mwe, lakutumbwa mu nthazi, janja linu lakurghiya liphwanya ŵamawongo, Ambuya mwe.

Yeremiya 14:7

“Chingana mautimbanizi ghidu ghatitisimika, tovyeni, Ambuya, chifukwa cha zina linu; pakuti kutondeka kwidu kwaŵa kukuru, talakwiya imwe.

Sumu 143:11

Nditaskeni, Ambuya, chifukwa cha zina linu; mu umampha winu, mundipozomoske ku masuzgu ghangu!

Sumu 111:6

Arongo mazaza ghawo ku ŵanthu ŵawo, pa kuŵapaska vyaru vya ŵalendo.

Chituwa 18:8

Sono Mosese wangukonkhome msibweni wake vyose vyenivyo Ambuya anguchita kwaku Farao ndi ku ŵaEgipiti chifukwa chaku Yisraele, maunonono ghose gho ghanguŵawiya mu nthowa, ndimo Ambuya anguŵaposomoske.

Yoswa 4:24

mwakuti ŵanthu ŵa mitundu yose mu charu chapasi ŵaziŵe kuti janja la Ambuya ndanthazi; ndikuti imwe mopenge Ambuya Chiuta winu muyaya.”

1 Samuele 12:22

Ambuya kuti amudikeninge cha, pa chifukwa cha zina lawo likuru pakuti kwaŵakondweska Ambuya kumumikani imwe kuŵa ŵanthu ŵake.

Sumu 23:3

mzimu wangu awerezgamo. Atindirongozga mu nthowa za urunji chifukwa cha zina lawo.

Yesaya 48:9

“Chifukwa cha zina langu ndilekezga danga ukari wangu, chifukwa cha rumbu langu, nditiumikiya imwe, kuti ndileke ku kudumuwaniko.