Sumu 106:5 - Tonga Bible 1986

⁵ Ndiwone kusakata kwa ŵanthu ŵinu, ndi kusangana muvyamampha vya mtundu winu, mu likondwa lakujikuzga la ŵanthu ŵinu.

Sumu 106:5 Referans Kwoze

Sumu 105:43

Viyo angutuzga khamu lawo ndi chimwemwe, ŵanthu ŵawo ŵakusankhika ndi kusekere kukuru.

ŴaEfeso 1:18

ngati ghangweruskika maso gha mtima winu, alinga kuti muziŵe imwe cho nchigomekezgu cha mdanu wake, wo mbusambasi wa unkhankhuwa chihara chake mu ŵakupaturika wo,

Yohane 15:16

Kuti ndimwe mungusankha ine cha, kweni ndine ndingusankha imwe, ndipo ndingukumikani, kuti mukapase vipasi, ndi kuti vipasi vinu vijaririye; alinga kuti chose cho mungapempha Dada mu zina langu, wakupaskeninge.

Zekariya 9:9

Sekereni ukongwa, mwa ŵanthu ŵaku Zioni! Kamburani ukongwa, mwa ŵanthu ŵaku Yerusalemu! Wonani, karonga wino watuza kwinu, ndi murunji wendi utaski, ngwakuzika, wakwera pa mbunda, pa mwana wa mbunda yinthukazi.

Zefaniya 3:14

Mbani ukongwa imwe, mwa ŵanthu ŵaku Zioni; kamburani mwa ŵaYisraele! Kondwani ndi sekereni ndi mtima wose, imwe mwa ŵanthu ŵaku Yerusalemu!

Yesaya 66:10

“Kondwani pamoza ndi Yerusalemu, musekere chifukwa chake, imwe mose mutuŵanja; kondwani nayo pamoza mu chimwemwe, imwe mose mutimutenjere;

Yesaya 12:6

Bongoni, ndipo mbani ndi chimwemwe, mwa ŵakuja mu Zioni, pakuti mukuru mukati mwinu ndi Mtuŵa Yo waku Yisraele.”

Sumu 105:6

Mwa ŵamphapu yaku Abrahamu mteŵeti wawo, mwa wana waku Yakobe, mwa ŵakusankhika ŵawo! Mwa ŵana ŵaku Yakobe, mwa ŵakusankhika ŵawo!

Sumu 1:3

Wakozgana ndi muti wakupandika pa mphepete pa misisi ya maji, weniwo upasa vipasi vyake mu nyengo yake, jani lake kuti lifota cha; mwaku chose cho wachita, wasakata.

Chivumbuzi 17:14

Yaŵa ŵarwanenge ndi Mwana-mberere yo, ndipo Mwana-mberere ndi ŵapamoza nayo, wo mbakudanika, ŵakusankhika, ndi ŵamagomekezgeka waŵapundenge, pakuti ndiyo Mbuya wa ŵambuya, ndi Karonga wa ŵakaronga.”

2 ŴaTesalonika 2:13

Kweni titenere ifwe kumwonga Chiuta nyengo zose pa chifukwa chinu, mwa ŵabali ŵakwanjika ndi Mbuya, pakuti Chiuta wakumusankhani pa mteneku kuti mutaskike, mukuphotoreka ndi Mzimu ndi mu chivwanu chamu uneneska.

ŴaFilipi 3:3

chifukwa ifwe te ŵamchinju ŵa uneneska wo mbakusopa Chiuta mu Mzimu, ndi mbakutumbwiya mwaku Kristu Yesu, ndi ŵambura kugomekezga mu liŵavu.

ŴaEfeso 1:4

uli ndimo wangutisankhiya limu mwaku iyo, chenga chindajarikike charu, kuti tiŵenge ŵakupaturika ndi ŵambura kalema paurongo pake.

Yohane 16:22

Namwe so viyo mwe ndi chisungu sono: kweni ndazamkukuwonani so, ndipo mitima winu wazamkondwa, chimwemwe chinu pazamuuravi yumoza wazamtuzgapo kwaku imwe.

Yoele 2:23

“Kondwani mwa ŵana ŵaku Zioni, sekeriyani mwa Ambuya Chiuta winu, chifukwa wampaskani vuwa yakwamba, ndi yaumari nge ndi kali.

Yesaya 45:25

Mu Ambuya mphapu zose zaku Yisraele zikapundanga ndi kujikuzga.”

Yesaya 35:10

Ndipo ŵakuwomboleka ŵa Ambuya ŵakawenga, ŵakazanga ku Zioni ndi kumba; kukondwa kwa muyaya kukaŵanga pa mitimu yawo; ŵakarondenga likondwa ndi chimwemwe, ndipo chitima ndi urwirwi vikathaŵanga.

Sumu 118:15

Avwani kukambura kwa likondwa la upundi mu mahema gha ŵarunji: “Janja lakurghiya la Ambuya lachita ichi!

Sumu 48:11

likondwe phiri la Zioni! Ŵana ŵanthukazi ŵaku Yuda ŵangarenge chifukwa cha vyeruzgu!

Sumu 14:7

Okwe! Mphanyi chipozomosko chaku Yisraele chatuliya ku Zioni! Ambuya pakuwezga ŵanthu ŵawo ŵamikoli, Yakobe wakakondwanga, Yisraele wangarenge.

Marangu 7:6

“Chifukwa imwe mwe ŵanthu ŵakupaturika kwa Ambuya Chiuta winu, Ambuya Chiuta winu wakusankhani kuti muŵe ŵake ŵapade, kutuwa ku ŵanthu wose wo ŵe pa charu.

1 Petro 2:9

Kweni ndimwe fuku lakusankhika, uzukuru waufumu, mtundu wakupaturika, khamu lapa mtima wake, viyo kuti mutaulenge maumampha ghaku mweniyo wangumdanani mu mdima kuyiya ku ukweru wake wakuzizwiska;

Yakobe 2:5

Vwani, mwa ŵabali ŵangu ŵakwanjiwa, asi Chiuta wajisankhiya ŵakavu mu charu kuŵa ŵasambasi mu chivwanu, ndi ŵakuhara ufumu weniwo wangupangana ku ŵakumwanja?

Machitidu gha Ŵakutumika 9:15

Kweni Ambuya angumunene, “Rutanga, pakuti mweniyo nchiyaŵi chakusankhikiya ine, kwachipingiya zina langu pa Mitundu yo ndi so ŵakaronga, ndi ŵana ŵaku Yisraele;

Marangu 32:9

Pakuti chigaŵa cha Ambuya mbanthu ŵawo, Yakobe ndi chigaŵa Chake chakupaskika.

2 Samuele 20:19

Ine nde yumoza waku ŵeniwo mbachimangu ndi ŵakugomekezgeka mu Yisraele; mupenja kubwanganduwa msumba wo ndi nyinawo mu Yisraele, chifukwa nchine mumezenge msumba wa Ambuya?”