Sumu 106:10 - Tonga Bible 1986

¹⁰ Wanguŵataska ku ŵakuŵatinkha; wanguŵapozomoska ku ŵakupindikana ŵawo.

Sumu 106:10 Referans Kwoze

Sumu 107:2

Ŵanene viyo ŵakuwomboleka ŵa Ambuya, wo aŵawombo ku suzgu,

Chituwa 14:30

Viyo ndimu Ambuya angutaskiya ŵaYisraele zuŵa liya ku janja la ŵaEgipiti; ndi Yisraele wanguwona ŵaEgipiti ŵakufwa pa likumba la nyanja.

Mika 6:4

Pakuti ndamutuzgani mu charu cha Egipiti, ndi kumuwomboni mu nyumba ya uŵanda; ndipo ndingukutumiyani panthazi pinu Mosese, Aroni ndi Miriamu ŵarongozge.

Sumu 136:24

wanguti kwamphuwa ku ŵarwani ŵidu, chifukwa nchamuyaya chifundu chake;

Nehemiya 9:11

Ndipo mungugauwa nyanja pakati paurongo pawo, viyo kuti ŵangwenda kuporota mukati mu nyanja pa mtunda uyumu; ndipo mungupong'a ŵakuŵalondo mu zindimba, uli ndi mwa mu maji gha nthazi.

Marangu 11:4

Kumbukani so cho wanguchita ku nkhondo yaku Egipiti, ku ŵakavalo ŵawo ndi ku magareta ghawo, mo wanguŵabizgiya mu maji gha mu Nyanja Yiyera po ŵangumulondoni imwe, ndiso mo Ambuya anguŵapasuriya mpaka zuŵa lino.

Chituwa 15:13

“Mwarongozga ŵanthu ŵinu mu chifundu chinu; ŵanthu ŵeniwo imwe mwawombo, mwaŵarongozga ndi nthazi yinu kuya ku chakujamo chinu chakupaturika.

Sumu 44:8

Mwaku Chiuta ndimo titijikuzgiya rutaruta, ndipo tiwongenge zina linu muyaya.