Sumu 105:16 - Tonga Bible 1986

¹⁶ Penipo Ambuya angutuma chilala mu charu chawo, ndi kutuzgamo kurchga kwawo kose,

Sumu 105:16 Referans Kwoze

Ezekiele 4:16

Ndipo so angunena nane, “Mwana wa munthu, ehe, ndikafyonga nchirikizgu ya chiŵande mu Yerusalemu; ŵakarghanga chiŵande chakupima pa mweso ndi mantha ghakuru, ŵakamwanga maji ghakuchita kupima ndi kuzizwa.

Yesaya 3:1

Pakuti, ehe, Ambuya, Ambuya ŵa maŵamja, atuzgamo mu Yerusalemu ndi mwaku Yuda nchilikiliro ndi ndodo, nchilikiliro yose ya chiŵande ndi nchilikiliro yose ya maji,

Chiyambo 41:54

ndipo virimika vinkhonde vya nja vingwamba uli ndimo wangukambiya Yosefe. Mwenga chilala mu vyaru vyose; kweni mu charu cha Egipiti mwenga chakurgha.

ŴaLevi 26:26

Panyengo yo nkhadumuwanga uzali wa vyakurgha, ŵanthukazi chumi ŵakamubikiyaninga chiŵande mu zenji limoza, ndipo ŵakachitanga kupima chiŵande chinu; mukarghanga kweni kuti mukagutanga cha.

Machitidu gha Ŵakutumika 7:11

Kweni kunguza chilala pa charu chose cha Egipiti ndi Kenani, ndi suzgu yikuru: ndipo auskefwe kuti ŵangusaniya kurgha mu charu cha.

Sumu 104:15

Wapanga vinyo kuti wakondweskenge mtima wake, mafuta kuŵaliska chisku chake, ndi kurgha kwakumupaska nthazi.

2 ŴaKaronga 8:1

Sono Elisha wanguti ku munthukazi yuwa mwana wake wangumuyuskiya ku umoyo, “Soka, urutenge ndi ŵa nyumba yako ukaje kweniko kose ungakhumba pakuti Ambuya arongoso chilala, ndipo chikazanga pa charu kwa virimika vinkhonde ndi viŵi.”

Chiyambo 47:13

Sono mwengavi kurgha mu charu chose; pakuti chilala chenga chizitu, viyo kuti charu cha Egipiti ndi charu cha Kanani chinguyungwa chifukwa cha nja.

Chivumbuzi 6:8

Ndipo ndingulereska awonani, kavalo wakonda: ndipo zina laku yo wangugarapo pake lenga Nyifwa: ndipo Hadesi wangurongozgana nayo; kwaku iwo kungupaskika mtufu wapa chigaŵa chapanayi cha panupasi kwachibaya ndi lipanga ndi ndi chirara, ndindi nyifwa, ndindi vikoku vyo charu.

Hagayi 2:17

Ndingumupumani ndi kachamba, ndi kodikodi, ndi matarara, pamoza ndi vyose vyakutuwa mu nchitu ya manja ghinu; ndipuuli, kuti munguwele kwaku ine cha, atiti Ambuya ŵa maŵanja.

Amosi 3:6

Kumbi mbata yingambika mumsumba, ndipo ŵanthu ŵangareka kopa? Kumbi chiheni chingaŵamo mu msumba, kwambura kuti chachitika ndi Ambuya?

Chiyambo 47:19

Takafwiyanganji mu maso ghako, ifwe ndi charu chidu? Utigule ndi chakurgha ifwe ndi charu chidu, ndipo ifwe pamoza ndi charu chidu tikaŵanga ŵanŵanda kwaku Farao ndipo utipaske kurgha, alinga tiŵe ŵamoyo tireke kufwa, alinga kuti charu chireke kuŵa chamapopa.”