Sumu 105:12 - Tonga Bible 1986

¹² Ŵanthu ŵaku Chiuta ŵenga ŵakurengeka ŵaka, ndipo ŵenga ŵalendo mu charu.

Sumu 105:12 Referans Kwoze

Marangu 7:7

Po Ambuya angumwanjani ndi angumusankhani kuti nchifukwa chakuti mwenga ŵanandi kuruska ŵanthu ŵanyake cha, mwenga ŵamana kwakuruska ŵanthu wose cha.

Chiyambo 34:30

Sono Yakobe wanguti kwaku Simeoni ndi Levi, “Mwatole suzgu paku ine pakundisanduska wakuŵembeka ku ŵakuja mu charu ichi ŵaKanani ndi ŵaPeresi; ine ndendi ŵamanavi, ndipo asani ŵawunganirana pamoza paku ine ndi kupong'ana nane ndikanangikanga, ine pamoza ndi nyumba zangu.”

ŴaHebere 11:9

Ndi chivwanu wangutandara ku charu cho cha phanganu, ulaka nchilendo, wakuja mu mahema, pamoza ndi Yisaki ndi Yakobe, ŵakuhariya pamoza nayo phanganu lenilo;

Chiyambo 23:4

“Ine nde mlendo ndi muyinga mukati mwinu; ndipaskenipo malo mukati mwinu kuŵa malo gha masanu, kuti ndiŵikepo wakufwa wangu kutuzgako ku maso kwangu.”

Marangu 26:5

“Ndipo mukamukanga paurongo pa Ambuya Chiuta winu, kuti, ‘MuAramu wakuyingayinga ŵenga ada; ndipo iyo wangusikiya ku Egipiti ndi wangugonera mwenimuwa, ndi mbumba yake yimanavi; ndipo muwa wanguguwa kuŵa mtundu ukuru, wakurimba, ndi wakwandana.

ŴaHebere 11:12

ndiviyo ŵangupapikako ku yumoza, ndi iyo nge ngwakufwa, mu unandi nge ndi nyenyezi za kuchanya, ndi uli ndi mchenga wo wapa likumba la nyanja, wambura maŵerengeka.

Machitidu gha Ŵakutumika 7:5

ndipo kuti wangumpaska chihara mwenimo cha, chingana nchakukandapo rundi: kweni wangupangana kuchipaska uli nchihara kwaku iyo, ndi ku mbeu yake pavuli pake.

Yesaya 51:2

Lereskani kwaku Abrahamu auskemwe ndi kwaku Sara yo wangumupapani; pakuti penipo wenga yumoza pe ndingumudana, ndingumutumbika ndi ndingumuchita kuŵa ŵanandi.

Chiyambo 17:8

Ndipo nkhapaskanga kwako, ndi ku mphapu zako za pavuli pako, charu chakutandaramo kwinu, charu chose cha Kanani, kuŵa chihara cha muyaya; ndipo ndikaŵanga Chiuta wawo.”

Chituwa 6:4

Ndinguchita so phanganu langu ndi iwo, kuŵapaska charu cha Kanani, charu cho ŵangujamo nge mbayinga.