Sumu 104:30 - Tonga Bible 1986

³⁰ Kweni asani mwavipaska mvuchi, vituŵa ndi umoyo; mupaska umoyo ufya ku charu.

Sumu 104:30 Referans Kwoze

Jobu 33:4

Mzimu waku Chiuta wandilenga, ndipo mvuchi wa Wanthazizose utindipaska umoyo.

Ezekiele 37:9

Sono angunena nane, “Chima ku mvuchi, chima, wa mwana wa munthu, unene mvuchi, viyo atiti Ambuya Chiuta: Mvuchi we, zanga kutuliya ku mphepo zinayi, tutiya pa ŵakubayika yaŵa, mwakuti ŵaŵe ŵamoyo.”

Chivumbuzi 21:5

Mweniyo wajanga pa chitengu-chaufumu cho wanguti, “Awonani; ndizghora vinthu vyose viŵe vifya.” Ndipo wanguti, “Lembapo: pakuti mazu yagha ngamagomekezgeka ndi ghakuneneska.”

Jobu 26:13

ndi mzimu wake machanya ghanguchitika ghakutowa janja lake linguswa njoka yakunyongoroka yamu nyanja.

Tito 3:5

kutuliya ku nchitu zamu urunji zenizo tinguchita ifwe cha, kweni kwakulingana ndi lisungu lake wangutitaskiya mu chisambiska cha kupapika so ndi mukarengekedu kafya mu Mzimu Wakupaturika,

Sumu 33:6

Pa mazu gha Ambuya machanya ghanguchitika, ndipo ndi mvuchi wa mlomo wawo maliŵanja ghake ghose ghanguŵapo.

Yesaya 65:17

“Pakuti ehe, ndilenga machanya ghafya ndi charu chapasi chifya; ndipo vinthu vyakudanga kuti vikakumbukikanga cha, pamwenga kuvighanaghana.

ŴaEfeso 2:1

Imwe namwe mwenga ŵakufwa mu mamphuru ndi maulakwi,

Yesaya 66:22

“Pakuti nge ndi machanya ghafya ndi charu chapasi chifya, vyenivyo ndikachitanga, vikajaliriyanga paurongo pangu, atiti Ambuya; viyo ndimu mphapu zinu ndi zina linu vikajaliriyanga.

Jobu 12:10

Mu janja lake mwe umoyo wa chinthu chose cha moyo, ndi mvuchi wa ŵanthu wose.

Ezekiele 37:5

Viyo atiti Ambuya Chiuta ku viwanga ivi: “Ehe, ndikserezganga mvuchi mwaku imwe, ndipo mukaŵanga ŵamoyo.

Ezekiele 37:6

Ndikaŵikanga misipi mwaku imwe, ndikawerezgiyanga mnofu paku imwe, ndi kukuburumutizgani ndikhungu, ndi kuserezga mvuchi mukati mwinu, mukaŵanga ŵamoyo, ndipo mukaziŵanga kuti ine ndine Ambuya.”