Sumu 104:14 - Tonga Bible 1986

¹⁴ Mumezge ng'ombe uteka, ndi mbutu kuti munthu waziphwere, viyo waronde vyakurgha mu charu.

Sumu 104:14 Referans Kwoze

Sumu 136:25

ngwakupaska kurgha ku ŵanthu ndi nyama, chifukwa mchamuyaya chifundu chake.

Jobu 28:5

Mu charu mutuwa chakurgha, kweni kusi kwake kugadabuka nge kwe moto.

1 ŴaKorinte 3:7

Ndiviyo wakupanda yo kuti nkhanthu cha, chingana ngwakudiriya maji yo; kweni Chiuta wakumezga ndiyo.

Chiyambo 9:3

Chinthu chose chakwenda cho nchamoyo chikaŵanga kurgha kwinu; nge ndimo ndingukupaskiyani mbeu ziŵisi, nditukupaskani vyose.

Chiyambo 3:18

minga ndi visoyo vikakumezgiyanga, ndipo ukarghanga vya miti yamu dondo.

Jobu 38:27

kunyeweska charu chiyumu ndi chamapopa, ndi kuchitiska charu kuti chime uteka?

Yoele 2:22

Mungopanga mwa nyama za mu dondo, chifukwa chipozwa cha mu lisuwa chime; muti upasa vipasi vyake, mkuyu ndi mphereska vipasa ukongwa.

1 ŴaKaronga 18:5

Ahabu wanguti kwaku Obadiya, “Ruta mu charu ku visima vyose vya maji ndi ku madambo ghose; vinu tingasaniya uteka ndi kutaska ŵakavalo ndi nyulu kuŵa vyamoyo, ndikuti vireke kutayikapo vinyama vinyake.”

Chiyambo 2:9

Ndipo kuturiya mu nyata Ambuya Chiuta wangumezga miti yose yakukondweska kuyiwona, ndi yamampha kurgha; ndiso muti wa umoyo pakatikati pa munda, ndipo muti wa kuziŵa umampha ndi uheni.

Chiyambo 4:12

Uchilima nyata, kuti yikawerezgangapo so cha kukupaska nthazi yake: ukaŵanga wakuthaŵathaŵa ndi wakuyingayinga pa charu chapasi.”

Chiyambo 2:5

penipo pengavi chakume cha mu munda mu charu chapasi, ndi pengavi mbeu ya mu munda yingume; pakuti Ambuya Chiuta wengavi kung'iska vuwa pa charu chapasi, ndi pengavi munthu wakulima nyata;

Marangu 11:15

Ndipo wakamezganga uteka mu minda yinu kuti ng'ombe zinu zirghe ndipo imwe mukarghanga ndi kuguta.

Nthanthi 27:25

Asani uteka wamara, ndipo chipozwa chifya chime, ndipo vyakume vya pa mapiri viunjikika,