Sumu 103:17 - Tonga Bible 1986

¹⁷ Kweni chifundu cha Ambuya nchakutuwa ku muyaya mpaka ku muyaya, paku ŵeniwo wose ŵati wawopa, ndi ukongorekwa wawo ngwa ku migonezi yose,

Sumu 103:17 Referans Kwoze

Sumu 100:5

Mbamampha Ambuya; nchamuyaya chifundu chawo, ndipo ukongorekwa wawo ngwa mgonezi ndi mgonezi.

2 Timote 1:9

mweniyo wangutitaska ndi kutidana ndi mdanu wakupaturika, kwakuyana ndi nchitu zidu cha, kweni uli ndi chiteme chaku yija ndi wezi, wo ungupaskika kwaku ifwe mwaku Kristu Yesu penipo zindambe nyengo zamuyaya,

Chituwa 20:6

kweni nde wakuchitiya lisungu ku vikwi vya ŵanthu wo ŵatindanja ndi ŵasunga marangu ghangu.

ŴaRoma 1:17

Chifukwa mwenimo uvumbulikiya urunji waku Chiuta, wakutuliya ku chivwanu ndi wakuyiya ku chivwanu: ndimo kwalembeke, “Murunji iyo wajariyenge wamoyo ndi chivwanu.”

Yesaya 51:6

Soskiyani maso ghinu kuchanya, lereskani kusi kwa charu chapasi, pakuti machanya ghakawalanga uli ndi usi, charu chapasi chikachujukanga uli nchivwalo, ndipo ŵeniwo ŵaja mwaku cho ŵakafwanga uli mbuzuzu; kweni utaski wangu ukaŵanga wa muyaya, uwombozi wangu kuti ukamaranga cha.

Yeremiya 31:3

Ambuya angumuwoneke, kutuliya kutali. Ndakwanja ndi chanju cha muyaya, chifukwa cho ndaŵa ndi lisungu lakurutiliya paku iwe.

Sumu 118:1

Wongani Ambuya, chifukwa mbamampha; chifukwa ncha muyaya chifundu chawo!

2 Petro 1:1

Kalata wakutuwa kwaku Simoni Petro, muŵanda ndi wakutumika waku Yesu Kristu, kwaku ŵeniwo ŵaronde chivwanu chakuzirwa chakuyana ndi chidu mu urunji wa ku Chiuta widu ndi wa Mtaski Yesu Kristu:

ŴaRoma 15:8

Chifukwa ndititi, Kristu wachitika mteŵeti wa mchinju chifukwa cha uneneska waku Chiuta, kuti wakhozge mapanganu ghakupaskika ku ŵambuyafwe,

Sumu 90:16

Zomerani kuti ifwe, ŵateŵeti ŵinu, tiwone nchitu zinu zanthazi; ndi unkhankhu wa mazaza ghinu ku mphapu yidu.

Mika 6:5

A! Mwa ŵanthu ŵangu, kumbukani cho Balaki, karonga wa Moabu wangughanaghana; ndi cho Balamu mwana waku Beori wangumwamuka; ndi cho chinguŵako kutuwa ku Shitimi ku Gilgala, mwakuti muziŵe milimu ya utaski wa Ambuya.”

Yesaya 41:8

Kweni iwe, Yisraele, muŵanda wangu, Yakobe, yo ndatondo, mphapu yaku Abrahamu, bwezi langu;

Sumu 25:6

Kumbukani, Ambuya, vya lisungu linu, ndi vya chanju chinu chikuru, chifukwa vyaŵa vyakutuliya ku mwaka.

Sumu 22:31

ndi kutaula chipozomosko chawo ku ŵanthu wo ŵakapapikanga, kuti iwo ndiwo akuchichita ichi.

Marangu 10:15

Ndipuuli, Ambuya angukondwa ndi kuŵanja auskemwe ndipo Ambuya angusankha mphapu yawo ya pavuli pawo, imwe muruska ŵanthu ŵanyake wose, mpaka zuŵa lino.

Danyele 9:24

“Ŵasabata machumi ghankhonde ndi ghaŵi ŵa virimika ŵamikikiya pa ŵanthu ŵako ndi msumba wako wakupaturika, kumarizga maubudi ndi kumara ulakwi, ndi kupepeske uchikana marangu, ndi kwazachiserezga urunji wa muyaya, kuzighiriya ivi, chiwona ndi uchimi, ndi kudira mafuta pa malo ghakupaturika ukongwa.

Yesaya 46:13

Ndituza nacho pafupi chipozomosku changu, kuti che kutali cha, ndipo utaski wangu kuti ukasweranaga cha; ndikaŵikanga utaski mu Zioni; chifukwa chaku Yisraele unkhankhu wangu.”

Sumu 111:3

Zazaza ulemu ndi utozi nchitu zawo, ndipo urunji wawo ngwa muyaya.