Sumu 102:21 - Tonga Bible 1986

²¹ Ndipo ŵanthu ŵakataulanga zina la Ambuya mu Zioni; ŵakaperekanga viwongo kwaku iwo mu Yerusalemu,

Sumu 102:21 Referans Kwoze

Sumu 22:22

Ndikonkhomenge vya zina linu ku ŵabali ŵangu; mukati mu ungano ndikurumbeninge:

1 Petro 2:9

Kweni ndimwe fuku lakusankhika, uzukuru waufumu, mtundu wakupaturika, khamu lapa mtima wake, viyo kuti mutaulenge maumampha ghaku mweniyo wangumdanani mu mdima kuyiya ku ukweru wake wakuzizwiska;

ŴaEfeso 3:21

kwaku iyo kuŵiye unkhankhu wo mu eklesiya ndi mwaku Kristu Yesu ku migonezi yose ya muyaya-muyaya. Ameni.

Yesaya 51:11

Ndipo ŵakuwomboleka ŵa Ambuya ŵakawenga, ŵakazanga ku Zioni ndi kumba; likondwa la muyaya likaŵanga pa mitu yawo; ŵakalondenga likondwa ndi chimwemwe, chitima ndi mitamanthu vikathaŵiyanga kutali.

Sumu 79:13

Ndipo ifwe, khamu linu, ndi mberere za uliska winu, tiwongenge imwe muyaya; ndikutaula marumbu ghinu ku migonezi yose.

Chituwa 3:16

Ruta, ukaŵawunjike pamoza ŵaraŵara ŵa ŵaYisraele, ndipo ukaŵanene kuti, ‘Ambuya, Chiuta wa auskwemwe Chiuta waku Abrahamu, waku Yisaki, ndi waku Yakobe, wandiwoneke ine, wakati, “Ndakuwonani, ndi vyo vyachitikiya imwe mu Egipiti;

Chituwa 3:17

sono ndipangana kuti ndikakutuzganingimo mu suzgu yamu Egipiti, kuya namwe ku charu cha ŵaKanani, ŵaHiti, ŵaAmori, ŵaPerizi, ŵaHivi ndi ŵaYebusi, charu chakuzara mukaka ndi uchi.” ’

Sumu 79:11

Tegherezgani ku mitamanthu ya ŵakumangika, ndipo ndi nthazi zinu zikuru ŵafwatuweni wo ŵakutemeke ku kubayika.