Sumu 10:8 - Tonga Bible 1986

⁸ Waja mwakubisama mu mizi; mu malo ghakubisamamo wabaya ŵamburakafukwa.

Sumu 10:8 Referans Kwoze

Habakuku 3:14

Mungurasa mutu wa ŵankhondo ŵake ndi mikondo yinu, wo ŵanguza nge ndi kavuruvuru kundiparghang'a, wakukondwa, kusere kwako kwenga nge nkhudoso ŵakavu ku ubendi.

Yeremiya 22:17

Kweni iwe wendi maso ndi mtima ivi vyakuchitiya chanduwu chakupusika waka, pakudiska ndopa zambura kalema, ndi pakuchita vya kusuzga ndi chiwawa.”

1 Samuele 22:18

Karonga wanguti kwaku Doege, “Ng'anamuka ubaye ŵazukuru wo.” Ndipo Doege waku Edomu wangung'anamuka ndi kuwiya pa ŵazukuru, ndipo wangubaya ŵanthu machumi ghankhonde ndi ghatatu pachanya ŵankhonde (85) zuŵa liya, ŵakuvwara efodo wa bafuta.

Luka 8:1

Ndipo jepu kamanavi pavuli po kunguŵa kuti wadumuwanga mu msumba ndi mu muzi, wakumemeza ndi wakugozga ufumu waku Chiuta, ndi pamoza nayo chumi ndi ŵaŵi wo,

Sumu 94:6

Ŵabaya vyoko ndi ŵamasiya, ŵabaya ndi ŵalendo wo ŵaja mu charu chidu.

Sumu 17:11

Ŵatindiphwatiya pasi; watindizingirizga maso ghawo ghe dodoli paku ine kuti ŵandipong'e pasi.

2 ŴaKaronga 21:16

Ndipo so Manase wangudiska ndopa zinandi zambura kafukwa mpaka zinguzaza Yerusalemu kwamba ku chisongo ichi mpaka kuchisongo chiya, pamoza ndi ulakwi wo wangulakwiska nawo Yuda viyo kuti wanguchita uheni mu maso gha Ambuya.

1 Samuele 23:23

Chifukwa ichi wonani, ndipo muziŵiske malo ghose gho wagwenthiyako ndi kubisamamo, mukawere so kunu ndi makani ghauneneska ndipo asani wemu charu cho ndazamupenja mukati mu vikwi vyose vyaku Yuda.”

Luka 10:1

Pavuli paku vyenivi Mbuya wangumika ŵanyake machumi ghankhonde ndi ghaŵi pachanya ŵaŵi, ndipo wanguŵatuma ŵaŵi ŵaŵi paurongo pa chisku mu muzi wose ndi malo, kweniko wakhumbanga kuza mweneko.

Ŵeruzgi 9:25

Ndipo ŵanthu ŵamu Shekemu ŵanguŵika ŵanthu ŵakumukhazga pachanya pa mapiri, ndipo ŵakwamphuwanga vinthu vyaku wose wo ŵajumphanga, mu nthowa yeniyiya; ndipo ŵangumunene Abimeleke.

Jobu 24:14

Wakubaya wayuka ndi usiku kuti wabaye ŵakavu ndi ŵasauchi, mu usiku watuŵa nge ndi munkhungu.

Nthanthi 24:15

Ungabisamanga kuŵeramiya cha uli ndi munthu wamphulupulu yo waŵeramiya wakurunjika; ungachitanga nkhaza ku nyumba yake cha,