Sumu 10:13 - Tonga Bible 1986

¹³ Chifukwa chine muheni wanyoza Chiuta, ndipo watiti mu mtima wake, “Imwe kuti mukachifumbanga cha?”

Sumu 10:13 Referans Kwoze

Luka 10:16

“Yo ngwakuvwa imwe, watuvwa ine; ndi wakukana imwe wakana ine; ndi wakukana ine wakana wakundituma.”

Sumu 74:18

Kweni kumbukani ichi. Ambuya mwe, kuti ŵarwani ŵanu ŵawera imwe, ndipo ŵanthu ŵaphuzu ŵatuka zina linu.

Sumu 74:10

Mpaka zuŵanji, A Chiuta, ŵarwani ŵidu ŵakatiweranga? Kumbi ŵakatukanga zina linu muyaya?

2 Mikoka 24:22

Viyo karonga Yoashi kuti wangukumbuka cha ulemu wo Yehoyada wiske waku Zekariya wangumuchitiya, kweni wangubaya mwana wake, ndipo wachifwa, wanguti, “Ambuya achiwone ichi ndipo awezge nduzga!”

Maŵerengedu 11:20

Kweni mwezi uzirima mpaka po yatuliya mu phunu zinu ndi yamutinkhani, chifukwa mwayeya Ambuya wo ŵe mukati mwinu, ndipo mwaliya pa maso pawo, kuti, “Chifukwa cho tingutuliya mu Egipiti nchine?” ’ ”

Chiyambo 9:5

Ndopa za umoyo winu, kwakuneneska ndikakhumbanga kuzifumbiliya; ku chinyama chose ndizifumbiliyenge ndi ku munthu; ku mbali wa munthu we yose ndikakhumbanga umoyo wa munthu.

1 ŴaTesalonika 4:8

Viyo yose wakukana ichi kuti wakaniya munthu cha, kweni Chiuta, yo wakupaskani Mzimu wake Wakupaturika.

Chiyambo 42:22

Ndipo Rubene wangwamuka kuti, “Kumbi ndengavi kukuneniyani ine kuti mungananga pa mhurwa yo cha? Kweni mungukana kundivwa. Viyo sono patuza chilangu cha ndopa zake.”

Marangu 29:18

Phwereni vinu wangaŵapo mukati mwinu munthurumi pamwenga munthukazi, pamwenga mbumba, pamwenga khamu lo mtima wake utuwako ku Ambuya Chiuta widu, kuruta kwachiteŵete ŵachiuta ŵa mitundu yo, vinu mungaŵa mukati mwinu musisi wakupasa chipasi chakubaya ndi chakuŵaŵa.

Jobu 24:12

Ŵabuwura kutali kubwaro kwamsumba nge ndi mubuwuru wa nyifwa, mzimu wa ŵakulasika uliriya chovyo. Ndipuuli Chiuta kuti waphwere pempho lawo cha.

Jobu 24:23

Watuŵapaska chimangu ndipo ŵakhozgeka, maso ghake ghe pa nthowa zawo.