Sumu 1:3 - Tonga Bible 1986

³ Wakozgana ndi muti wakupandika pa mphepete pa misisi ya maji, weniwo upasa vipasi vyake mu nyengo yake, jani lake kuti lifota cha; mwaku chose cho wachita, wasakata.

Sumu 1:3 Referans Kwoze

Yeremiya 17:8

Wakozgana ndi muti wakupandika pafupi ndi maji, weniwo utambaruliya misisi yake ku maji, ndipo kuti utopa cha chichiza chifundizi, pakuti mani ghake ghajaririya uŵisi, ndipo kuti usuzgika cha mu charu cha chilala pakuti kuti ureka cha kupasa vipasi.”

Ezekiele 47:12

Ndipo mu maluwu, sirgha ili ndi sirgha liya la msinji, mukamenga miti ya mtundu mtundu ya kurgha. Mani ghake kuti ghakafotanga cha chingana nkhutondeka kupasa cha, kweni yikapasanga vipasi vyakunozga mwezi ndi mwezi, chifukwa maji ghake ghatuwa ku malo ghatuŵa. Vipasi vyake vikaŵanga kurgha, ndipo mani ghake ghakaŵanga ghakuchizga.”

Sumu 92:14

Ŵapasa upasiya vipasi ndi mu ukhongwe wawo, nyengo yose mbakubiriŵira ndi ŵanthazi.

Yohane 15:6

Asani munthu wareka kujaririya mwaku ine, wapong'eka kubwaro nge ndi mphanda, wamira; ndipo ŵaunjika mphanda zo, watizipong'a mu moto, ndipo zitocheka.

Ezekiele 19:10

Anyoko ŵanguŵa nge ndi mphereska mu munda wa mphereska, ŵanguwokeka pafupi ndi maji, ŵakupasa vinandi, ŵakuŵa ndi mphanda zinandi, chifukwa cha unandi wa maji.

Chiyambo 39:23

msungi wa nyumba ya ukaidi kuti waŵikangako so maso cha kwaku kose keniko kenga kakuphwerereka ndi Yosefe, chifukwa Ambuya ŵenga nayo; ndipo che chose cho wanguchita, Ambuya anguchisakatiska.

Chivumbuzi 22:2

ndi mukati mu mseu wa msumba. Ndipo sirgha lino ndi sirgha liya la msinji penga muti wa umoyo, wo upasa vipasi vya mitundu chumi ndiyiŵi, ndi upasapasa mwezi ndi mwezi: mane ghake nagho ngakuchizgiya mitundu.

Ezekiele 17:8

ndi kuyipanda pa nyata yamampha pafupi ndi maji ghanandi, mwakuti yituzgi zimphanda, yiŵi ndi vipasi, ndi kuti yiŵi mphereska yakuzirwa.

Mateyu 13:6

lati lakwera dazi zinguŵauka; ndipo chifukwa zengavi nkhorozu, zingumira.

2 Mikoka 31:21

Nchitu ye yose yo wanguchita mu mlimu wa nyumba ya Ambuya wanguchita kwakuyana ndi dangu ndi malangulu, wakupenja Chiuta wake, wanguchita ndi mtima wake wose ndi wangusakata.

Chiyambo 39:3

ndipo mbuya wake wanguziŵa kuti Ambuya ŵenga nayo, ndi kuti Ambuya angusakatiska vyose vyenivyo wanguchita mu manja ghake.

Sumu 128:2

Mukarghanga vipasi vya nchitu ya manja ghinu; kukamuŵiyaninga umampha, ndipo mukakondwanga.

Yesaya 3:10

Unene ŵarunji kuti kukaŵanga umampha kwaku iwo, pakuti ŵakarghanga vipasi vya nchitu zawo.

Yesaya 44:4

Ŵakamenga uli mbuteka mukati mu maji, uli ndi sungwi mu timisinji twakwenda.

Jobu 14:9

ndipuuli pa mununkhu wa mutika chikabukanga ndi kume mphanda nge ndi muti uteta.

Mateyu 21:34

Kweni penipo yingufika nyengo ya vipasi, wangutumizga ŵaŵanda ŵake ku ŵalimi wo, kwachironda vipasi;

Mateyu 21:19

Ndipo pakuwona mkuyu umoza mu mphepete mu nthowa, wanguza kwaku wo, ndipo kuti wangusaniyamo kanthu cha, kweni mane pe, ndipo watiti kwaku wo, “Pako pangaŵa so chipasi cha muyaya!” Ndipo sosonukweni ungumira mkuyu wo.

Yuda 1:12

Ŵenaŵa ndi maŵanga gha kufipa mu madghera ghinu ghachanju, pakurghiya pamoza namwe ŵajariska kwambura wofi: mitambo yambura maji, yakuyungwiskika ndi zimphepu; miti yachihanya yambura vipasi yakufwa kaŵi, yakuzgulika;

Yesaya 27:11

Zititi zamira mphanda zake, zifyoka, ŵanthukazi ŵatuza kuzachidewa nkhuni za moto. Pakuti yaŵa mbanthu ŵambura kuteska, chifukwa cho wakiŵalenga yo kuti wakaŵanga nawo ndi lisungu cha, mweniyo wanguŵaumba kuti wakaŵarongonga wezi so cha.

Mateyu 21:41

Ŵamnene, “Waŵanangenge uheni ŵaheni ŵa, ndipo munda wa mphereska wapazgiyenge ku ŵalimi ŵanyake, ŵeniwo ŵamuwezgiyenge vipasi vyo mu nyengo zawo.”

1 Mikoka 22:11

Sono wamwana wangu, Ambuya aŵe nawe, mwakuti ufiske kuzenga nyumba ya Ambuya Chiuta wako, nge ndimo wakambiya ndi zaku iwe.

Sumu 129:8

Palivi nanga njumoza wakujumphapo yo wakambenge kuti, “Ambuya, akutumbikeni! Tikutumbikani mu zina la Ambuya!”

2 Mikoka 32:23

Ndipo ŵanandi ŵazanga ndi vyawanangwa kwaku Chiuta ku Yerusalemu, ndi vinthu vyakuzirwa kwaku Hezekiya karonga waku Yuda, viyo kuti wangukuzgika pa maso pa ŵamitundu wose kutuwa penipa.

Maŵerengedu 24:6

Ulaka ndi madambo ghakutambalukiya kutali, ulaka ndi minda ya mu mphepete mu msinji, nge ndikholonje lakupandika ndi Ambuya, nge ndi miti ya milanji mu mphepete mu msinji.

Marangu 28:8

Ambuya akalangulanga chitumbiku paku imwe munkhokwe zinu ndi mwaku vyose vyo muchita, ndipo, akamutumbikaninga mu charu cho Ambuya Chiuta winu watumupaskani.

2 ŴaKaronga 18:7

Ndipo Ambuya ŵenga nayo pamoza, kweniko kose wanguya wangusakata. Wangugarukiya karonga wa Asiriya, wangukana kumteŵete.

1 Mikoka 22:13

Ndipo viyo ukasakatanga asani uphwerenge kusunga vilayizgu ndi vyeruzgu vyenivyo Ambuya angupangizga Mosese vyaku Yisraele. Uŵe wanthazi ndi wachiganga chamampha. Reka kopa, chingana nkhudezuka nthazi.

Jobu 22:28

Ukayeruzganga makani ndipo ghakakhozgekanga, ukweru ukaŵaliskanga nthowa zako.

Sumu 92:15

Mwakuti kuwoneke kuti mbakurunjika Ambuya; ndiwo jarawi langu, ndipo mwaku iwo mulivi kubende.

Yesaya 58:11

Ndipo Ambuya akamurongozganinge rutaruta, kugutiska khumbu linu ndi vyamampha, kukhomeska viwanga vinu, ndipo mukaŵanga uli ndi munda wakudiriya maji, nge nchisima cha maji, cho maji ghake kuti ghatuphwa cha.

Ezekiele 31:5

Viyo ungukuliya pachanya pachanya pa miti yose ya mulisuwa, mphanda zake zenga zinandi ndipo zingukuwa ukongwa, pakuti unguŵa ndi maji ghanandi mu misisi yake.