Sumu 1:2 - Tonga Bible 1986

² Kweni mu dangu la Ambuya ndimo mwe likondwa lake; ndipo mu dangu lawo ndimo warunguruka msana ndi usiku.

Sumu 1:2 Referans Kwoze

Yoswa 1:8

Buku ili la marangu lireke kutuwa mu mlomo wako, kweni ughanaghanenge nagho msana ndi usiku, alinga kuti uŵenge wakughaphwere kuchita chose chakulembeka mwaku lo, mwaku ichi ukasakatanga ndipo kukaŵanga ndi usakati wamampha.

Sumu 119:92

Asani dangu linu lengavi kuŵa chimwemwe changu, mphanyi ndikufwa mu kulangika kwangu.

Sumu 119:11

Mazu ghinu ndasunga mu mtima wangu, alinga kuti ndireke kumunangiyani imwe.

ŴaRoma 7:22

Chifukwa mu chilangulu chaku Chiuta ndikondwere kwakulingana ndi munthu yo wamukati,

Yeremiya 15:16

Mazu ghinu ghangusanirika ndipo ndingughargha; mazu ghinu ghangundiŵiya likondwa ndi kuyereyeta mu mtima wangu; pakuti ndadanika ndi zina linu, Ambuya mwe, Chiuta wa maŵanja.

Sumu 119:35

Mundirongozge mu nthowa ya malangulu ghinu, chifukwa mwaku ghenigho ndimu ndikondwere.

Sumu 112:1

Rumbani Ambuya! Wakukondwa ndi munthu yo watopa Ambuya, yo wakondwere mu kuvwiya marangu ghawo.

Sumu 104:34

Mphanyi Ambuya akondwa ndi sumu yangu, chifukwa atindikondweska.

Sumu 40:8

Ndikondwere kuchita khumbo linu, A Chiuta wangu; dangu linu le mukati mu mtima wangu.”

Sumu 119:1

Ŵakutumbikika ndi ŵeniwo ŵalivi kalema mu nthowa yawo, wo ŵatenda mu dangu la Ambuya.

1 Yohane 5:3

Chifukwa chenichi nchanju cho chaku Chiuta, kuti tisunge marangu ghake; ndipo marangu ghake gho kuti ngazitu cha.

Jobu 23:12

Ndilive kupatukako ku marangu ghatuŵa gha mumilomo yake, ndaronga mu chifuŵa changu mazu ghamu mlomo wake.

1 Timote 4:15

Phwerenga vyenivi jaririyanga mwaku vyo, alinga kuti kakiyakiyidu kako kawoneke kwaku wose.

Sumu 119:72

Dangu lo imwe mupaska ndakuzirwa ukongwa kwangu, kwaku ruska chuma chose mu charu chapasi.

Luka 2:37

mweniyo so wenga choko cha virimika machumi ghankhonde ndi ghatatu pachanya vinayi, mweniyo kuti watuwangako ku kasopi cha, wakusopa ndi kufunga ndi maniniziku usiku ndi msana.

2 Timote 1:3

Ndimwonga Chiuta mweniyo nditeŵete kutuliya ku ŵaseku mu njuŵi yikhovu, kuti kwambura kulekezga ndikumbuka iwe mu maniniziku ghangu, ndawakunweka usiku ndi msama kukuwona,

1 ŴaTesalonika 2:9

Chifukwa mukumbuka, mwa ŵabali, mtima widu ndi chitakataka chidu; tichitakataka usiku ndi msana, alinga kuti tingamzitiska yumoza waku imwe cha, tichikutauliyani evangeli waku Chiuta.

Luka 18:7

Ndipo asi Chiuta wangaŵachitiya utaski ŵakusankhika ŵake, wo ŵabongore kwaku iyo msana ndi usiku, kumbi wakunthiyengepo ŵaka paku iwo?

Sumu 88:1

Ambuya Chiuta, wa utaski wangu, msana ndi usiku ndabongore paurongo pinu.

Chiyambo 24:63

Ndipo Yisaki wangutuwa wanguruta kwachighanaghana mu munda ndi mazulo; ndipo wanguyinuska maso ghake ndi wangulereska, ndi wanguwona ŵagamila ŵazanga.

Ezra 7:10

Chifukwa Ezra wanguŵikapo limu mtima wake kupenjeska dangu laku Chiuta ndi kulichita, ndi kusambizga vilangulu vyake ndi vyeruzgu vyake mwaku Yisraele.