Sumu 1:1 - Tonga Bible 1986

¹ Wakutumbikika ndi munthu yo kuti watenda mu fundu ya ŵaheni cha, ndi mu nthowa ya ŵakunanga kuti watuma cha, nanga ndimukuteka kwa ŵakuyeya kuti wajamo cha.

Sumu 1:1 Referans Kwoze

Nthanthi 13:20

Mweniyo watenda pamoza ndi ŵanthu ŵazeru, wasanduka kuŵa wa zeru, kweni wakukwatikana ndi wakupusa wakapotekekanga.

Yeremiya 15:17

Ine kuti ndinguja nawo mu mpingu wa ŵamalikondwa gha ŵaka cha, chingana nkhuti ndingusekere nako cha. Ndinguja pakundija, chifukwa janja linu lenga paku ine, pakuti mungundizaza ndi ukari.

Luka 11:28

Kweni iyo wanguti, “Viŵiviŵi kwari mbamwaŵi wo mbakuvwa mazu ghaku Chiuta ndi mbakughachita.”

Sumu 1:6

pakuti Ambuya aziŵa nthowa ya ŵakurunjika kweni nthowa ya ŵaheni yisoŵenge.

Nthanthi 1:15

Wa mwana wangu, reka kwenda pamoza nawo mu nthowa tuzgako rundi lako ku nthowa zawo;

Sumu 34:8

Laŵani ndi muwone kuti mbamampha Ambuya! Wakukondwa ndi munthu yo wadingang'a mwaku iwo!

Sumu 112:1

Rumbani Ambuya! Wakukondwa ndi munthu yo watopa Ambuya, yo wakondwere mu kuvwiya marangu ghawo.

Sumu 36:4

Watata utimbanizi pa chakurapo chake; wajimiska mu nthowa yo kuti njamampha cha; uheni kuti wapata cha.

Jobu 21:16

Wonani, Asi usambasi wawo we mujanja lawo? Maghanaghano gha ŵaheni ghe kutali ndi ine.

ŴaEfeso 6:13

Chifukwa chenichi mujitole vidya vyose vyaku Chiuta, alinga kuti mungaziŵa kumikirana navyo mu zuŵa lo liheni, ndipo, mwati mwachita vyose, kuma chi.

Chiyambo 49:6

Iwe wa mtima wangu, ungazanga mu fundu yawo cha; iwe wa mzimu wangu, ungajibatikanga ku mpingu wawo cha; pakuti mu kukara kwawo wangubaya ŵanthu, ndipo mu kuwura kujiko kwawo wangupunduwa ng'ombe.

Yeremiya 17:7

“Wakutumbikika ndi munthu mweniyo wagomekezga Ambuya, mweniyo gomezgu lake mba Mbuya.

Nthanthi 13:15

Ghanaghano lamampha lisaniya mwaŵi, kweni nthowa ya ŵambura kuvwana ndi phasulo lawo.

Sumu 119:115

Tuwaniko kwangu, mose mwaŵakuchita utimbanizi, mwakuti ndisungenge malangulu ghaku Chiuta wangu.

Sumu 106:3

Mbakutumbikika wo ŵavwiya cheruzgu chawo, wo ŵachita cho nchakurunjika nyengo yose!

Sumu 26:12

Rundi langu lituma pa charu chakutiske; mu ungano ukuru nditumbikenge Ambuya.

Nthanthi 2:12

kukutaska ku nthowa ya uheni, ku ŵanthu ŵakukamba kwakulandizga,

Sumu 81:12

Viyo ndinguŵazomerezga kuruta mu unonono wa mtima wawo, ndi kuchita vyose vyo wangukhumba.

Nthanthi 4:19

Nthowa ya muheni ye uli ndi mdima wamunkhorwi; kuti ŵaziŵa cha chenicho ŵaguŵamo.

Nthanthi 3:34

Ku ŵakuyeya, iyo ngwakuyeya, kweni ku ŵakujiyuyuwa walongo mwaŵi.

Chivumbuzi 22:14

Mbakutumbikika wo ŵasuka minjirira yawo, viyo kuti ŵaŵenge ndi mtufu pa muti wo wa umoyo, ndi kuti pamalikomo ŵaserenge kuya mu msumba wo.

Nthanthi 9:12

Asani we wazeru, we wazeru kwaku wamweni; asani uyeya, wamweni wija ukakomwanga.

Sumu 84:12

Ambuya ŵa maŵanja, wakutumbikika ndi munthu yo wagomekezga mwaku imwe!

ŴaRoma 5:2

mwaku mweniyo nayo taŵandikiyamo ndi chivwanu mu wezi uwu mwenimo tituma; ndipo titumbwiya mu chigomekezgu cha unkhankhu waku Chiuta.

Sumu 144:15

Ŵakukondwa mbanthu ŵeniwo vituŵawiya vitumbiku ivi! Ŵakukondwa mbanthu ŵeniwo Chiuta wawo ndi Ambuya!

Yohane 20:29

Yesu wanena nayo, “Kumbi wavwana, chifukwa wandiwona? Mbamwaŵi wo ŵavwana wenga wandandiwone.”

Nthanthi 1:22

“Mpaka zuŵanji, mwaŵana, mwanjenge vya chiwanamana? Mpaka zuŵanji ŵakutafura ŵakakondwerenga mu kutafura kwawo ndi ŵakupusa kutinkha zeru?

1 Petro 4:3

Chifukwa nyengo yo yakapo njikuru kutataliya khumbiro la ŵaMitundu, ndi kujende mu mauyaya, maulakalaka, mauloŵevu, vindimba, maunkhamwi, masopedu ghamwikhu gha ŵangoza.

Yohane 13:17

Asani muziŵa vyenivi, mwe ŵamwaŵi asani mutivichita.

Sumu 146:9

Ambuya avikiriya ŵalendo wo ŵe mu charu; atovya vyoko ndi ŵaranda; kweni apasuwa nthowa zose za ŵaheni.

Sumu 2:12

Fyofyonthani marundi ghawo, vinu angakaripa, ndi mungamariya mu nthowa; pakuti ukari wawo ukole ruŵi. Mbakutumbikika wose wo ŵadingang'a mwaku iwo.

Sumu 146:5

Wa mwaŵi ndi munthu mweniyo chovyo chake che mwaku Chiuta waku Yakobe, wakuthamiya mu Ambuya Chiuta wake.

1 ŴaKaronga 16:31

Ndipo kanguŵa nge nkhanthu kayuyu kwaku iyo kwenda mu mphurupuru zaku Yeroboamu mwana waku Nebati wangujitole kuŵa muwoli Yezebelu mwana waku Etbala karonga wa ŵaSidoni, ndipo, wanguteŵete Bala, ndi kumsopa.

Marangu 33:29

Wakukondwa ndiwe Yisraele we! Ndiyani yo wenge ndiwe? Mwa ŵanthu ŵakutaskika ndi Ambuya. Iwo ndi nguru ya chovyo chinu, ndi lupanga la upundi winu! Ŵamawongo ŵinu ŵakazanga kunyengere imwe; ndipo mukaphwatanga pa malo ghawo ghakusopiyapo.”

Ezekiele 20:18

“Ndingukamba ku ŵana ŵawo mu bozwa, Rekani kwenda mu virunguchizgu vya auskemwe, nanga nkhusunga malangulu ghawo, pamwenga kujikazuzga ndi ŵangoza ŵawo.

Nthanthi 19:29

Kususkika kulindizga wakunyoza, ndi kukhwechuwa nkhwa ku musana kwa ŵabereŵeza.

Sumu 64:2

ndibiseni ku upu wakubisika wa ŵaheni, kuchiwawa cha ŵakuchita utimbanizi,

Jobu 31:5

“Asani ndenda ndi utesi, ndipo rundi langu lathaŵiriya ku upusikizgi;

Jobu 10:3

kumbi chiwoneka kuŵa chamampha kwaku imwe kukandirizga, ndi kuyeya nchitu ya manja ghangu ndi kurumba fundu za ŵaheni?

Chiyambo 5:24

Enoke wanguti wenda ndi Chiuta, kuti wanguwoneka so cha, chifukwa Chiuta wangumuto.

2 Mikoka 22:3

Nayo so wangwenda mu nthowa za nyumba yaku Ahabu, chifukwa anyina ndiwo ŵangumpanga fundo yakuchita uheni.

Luka 23:51

munthu wamampha ndi murunji (wengavi iyo kuzomerezgana ndi fundu ndi nchitu zawo), waku Arimataya, muzi wa ŵaYuda, mweniyo walerezenga ufumu waku Chiuta;

Mateyu 16:17

Ndipo Yesu wanguti, “Wakutumbikika ndiwe, Simoni mwana waku Yona, pakuti vinjeru vya munthu kuti vingukuvumbuliya ichi cha kweni Ada wakuchanya.

Marangu 14:6

Nyama yose yo njakupatukana chikandilu, yakupatukana kulongo njoŵi ziŵi, yakusumbiya, ndiyo murghenge.