Ruti 4:13 - Tonga Bible 1986

¹³ Viyo Boazi wanguto Ruti ndi wanguŵa muwoli wake, ndi wanguseremo ndipo Ambuya angumupaska mphapu, ndipo wangupapa mwana munthurumi.

Ruti 4:13 Referans Kwoze

Chiyambo 33:5

Ndipo penipo Esau wanguyunuska maso ghake wanguwona ŵanthukazi ndi ŵana, wanguti, “Mbayani yaŵa we nawo?” Yakobe wanguti, “Mbana ŵeniwo Chiuta wangundipaska ndi wezi ndamuŵanda wako.”

Chiyambo 29:31

Penipo Ambuya anguwona kuti Leya wangutinkhika, angujura chibali chake; kweni Rakelo wenga chumba.

Ruti 3:11

Ndipo sono, wa mwana wanguungopanga cha ndikakuchitiyanga chose cho upempha, pakuti ŵanyangu wose ŵamu msumba ŵaziŵa kuti we munthukazi wakuzirwa.

Sumu 127:3

Ehe, ŵana nchihara cha Ambuya, chipasi cha nthumbu ndi mphoto.

Sumu 113:9

Atumbika munthukazi chumba mu nyumba yake; atimukondweska pa kumpaska ŵana. Rumbani Ambuya!

1 Samuele 2:5

Wo ŵenga ŵakuguta ndiwo ŵajilembela kulimiskiya kurgha, kweni wo ŵenga ŵania ndiwo mba mgutu. Chumba chapapa ŵana ŵankhonde ndi ŵaŵi, kweni yo wanguŵa ndi ŵana ŵanandi waja mphuru urungwa.

1 Samuele 1:27

Ndapemphanga mwana uyu; ndipo Ambuya andipaska cho ndingupempha kwaku iwo.

Ruti 4:12

ndipo mphanyi nyumba yinu yaŵa uli ndi nyumba yaku Pereze mweniyo Tamara wangupapa kwaku Yuda, chifukwa cha ŵanawo Ambuya akakupaskanga mu munthukazi uyu muŵisi.”

Chiyambo 30:2

Ukari waku Yakobe ungukole paku Rakelo, ndi wanguti, “Kumbi ine nde mu malo ghaku Chiuta, mweniyo wamika kwaku iwe chipasi cha chibali?”

Chiyambo 25:21

Ndipo Yisaki wangurombe muwoli wake ku Ambuya, chifukwa wenga chumba; ndipo Ambuya angumupaska cho wanguromba, ndipo Rebeka muwoli wake wanguzuwuka.

Chiyambo 20:17

Sono Abrahamu wanguromba kwaku Chiuta, ndipo Chiuta wanguchizga Abimeleke, ndipo wanguchizga so muwoli wake ndi ŵaŵanda ŵanthukazi viyo kuti wangupapa ŵana.