Ruti 4:11 - Tonga Bible 1986

¹¹ Sono ŵanthu wose wo ŵenga pa likomo, ndi ŵara ŵanguti, “Te ŵakaboni. Mphanyi Ambuya amuchita munthukazi uyu wakazanga mu nyumba yako kuŵa uli ndi Rakelo ndi Leya, ŵeniwo pamoza ŵanguzenga nyumba yaku Yisraele. Mphanyi mwasakata mu Efrata ndi kuŵa ŵalumbiri mu Betelehemu;

Ruti 4:11 Referans Kwoze

Chiyambo 29:32

Ndipo Leya wanguzuwuka ndi wangupapa mwana munthurumi, ndipo wangudana zina lake Rubene; pakuti wanguti, “Chifukwa Ambuya alereska pa suzgu yangu; nadi sono mrumi wangu wandanjenge.”

Mateyu 2:6

‘Ndipo iwe Betelehemu, mu charu chaku Yuda, kuti ndiwe mumana limu kose cha mu ŵarongozgi ŵaku Yuda; chifukwa mwaku iwe mutuliyenge chirongozgi, mweniyo wakawusanga khamu langu Yisraele.’ ”

Mika 5:2

Kweni iwe, Betelehemu Efrata, wamweniwe we mumana kuŵa mukati mu mafumu ghaku Yuda, mwaku iwe mukawiyanga kutuwa kwaku ine wakuusa, mu Yisraele, mweniyo chandilu chake nchakali ukongwa, chituwa ku mazuŵa ghamwaka.

Sumu 132:6

Ehe, tikulivwa ku Efrata, tikulisaniya mu minda yaku Jara,

Ruti 1:2

Zina la munthu yo lenga Elimeleke, ndipo zina la muwoli wake lenga Naomi mazina gha ŵana ŵake wo ŵaŵi ghenga Maloni ndi Chilioni. Ŵenga ŵaEfrata ŵakutuliya mu Betelehemu waku Yuda, ŵanguruta mu charu cha Moabu ndi ŵanguja mwenimuwa.

Marangu 25:9

sono choko cha mbali wake chiyenge kwaku iyo ndi kuzuwa viyato vyake ndi kumufunyiya mata pa chisku chake. Wamukenge ndi kuti, ‘Viyo ndimo kukachitikiyanga ku munthurumi mweniyo wareka kuzenga myumba ya mwanamunyake.’

Chiyambo 24:60

Ndipo ŵangutumbika Rebeka, ndi ŵanguti kwaku iyo, “Mzichi widu waŵe nyina wa vikwi vya vikwi machumi.”

Nthanthi 14:1

Zeru yizenga nyumba yake, kweni kupusa ndi manja ghake kutiyipasuliya pasi.

Chiyambo 23:10

Sono Efroni wanguja mukati mu ŵaHiti; ndipo Efroni muHiti wangwamuka Abrahamu, ŵachivwa ŵaHiti, ŵeniwo wose ŵanguruta ndi kusere pa likomo la msumba wo,

Chiyambo 29:25

Ndipo ndi mlenji, Yakobe wanguwona kuti wenga Leya; ndipo Yakobe wanguti kwaku Labani, “Nchine ichi wachita kwaku ine? Kuti ndingukutataliya chifukwa chaku Rakelo cha? Na chifukwa nchine wandipusika?”

Nthanthi 31:23

Mrumi wake waziŵikwa mu malikomo, wachija mukati mu ŵaraŵara ŵa charu.

Chiyambo 29:16

Sono Labani wenga ndi ŵana ŵanthukazi ŵaŵi; zina la mura lenga Leya, ndi zina la mumana lenga Rakelo.

Chiyambo 35:23

Ŵana ŵaku Leya: Rubene (waumwali waku Yakobe), Simeoni, Levi, Yuda, Isakara, ndi Zebuluni.

Chiyambo 35:24

Ŵana ŵanthurumi ŵaku Rakelo: Yosefe ndi Benjamini.

Marangu 25:7

Ndipo asani munthurumi yo kuti wakhumba kuto cha choko cha mwana munyake, sono choko cho chikayanga ku likomo ku ŵara, ndi kunena kuti, ‘Mbali wa murumi wangu wakana kurutizga zina la mbali wake mu Yisraele, wakana kuchita mlimu wa mbali wake murumi wangu.’

1 ŴaKaronga 21:8

Viyo Yezebelu wangulemba ŵakalata mu zina laku Ahabu, wangudidimizgapo chizighiriyu chake, ndipo wangutuma ŵakalata wo ku ŵaraŵara ndi ŵanangwa wo ŵajanga ndi Naboti mu msumba wake.

1 Mikoka 2:51

Salma wiske waku Betelehemu, ndi Harefu wiske waku Betigadere.

Yeremiya 32:10

Ndingulemba zina langu pa kalata wa phanganu, ndi kudikizgapo chakuzighiriya, tinguŵa ndi ŵakaboni, ndipo tingupima ndrama zo pa mweso.