Ruti 4:10 - Tonga Bible 1986

¹⁰ Ndipo Ruti mu Moabu choko chaku Maloni, ndagula kuŵa muwoli wangu, kurutizga zina la wakufwa, kuti lireke kuzilimitiya mukati mu ŵabali ŵake ndi ku likomo la kwake, mwe ŵakaboni msana wale.”

Ruti 4:10 Referans Kwoze

Marangu 25:6

Ndipo mwana munthurumi wa kudanga mweniyo wapapenge wakaharanga zina la mwana munyake mweniyo wakufwa, alinga kuti zina lake lingazimwika cha mu Yisraele.

ŴaEfeso 5:25

Mwamadoda mwe, yanjani ŵawoli ŵinu, uli ndimo Kristu nayo wangwanjiya eklesiya lo, ndipo wangujipereka pa chifwa chake;

ŴaHebere 13:4

Nthengwa yiŵe yaulemu mwaku wose, ndipo chita chiŵe chikhovu: chifukwa ŵareŵi ndi ŵarowozi waŵeruzgenge Chiuta.

Malaki 2:14

Mufumba kuti, “Warekiyanji?” Chifukwa Ambuya ŵenga ŵakaboni ŵa phanganu pakati pako ndi muwoli wa uhurwa wako, kwaku mweniyo kuti waŵa wamagomekezgeka cha, chingana ndi bwezi lako lakusungana nalo, ndiso muwoli wako wa phanganu.

Zekariya 13:2

“Ndipo kukaŵanga pa zuŵa lo, atiti Ambuya ŵa maŵanja, ndituzgengeko mazina gha ŵangoza ku charu; mwakuti ŵakakumbukikanga so cha; ndipo so ndituzgengemo mu charu ŵamchimi, ndi mzimu uheni.

Hoseya 12:12

Yakobe wanguthaŵiya ku charu cha Aramu, Yisraele wanguteŵeta kwenikuwa chifukwa cha munthukazi, ndipo wanguliska mberere chifukwa cha munthukazi.

Hoseya 3:2

Viyo ndingumugula ndi ndrama za siliva chumi pachanya zinkhonde (15) ndi chipimo chimoza ndi nusu wa barile.

Yesaya 48:19

ŵana ŵako ŵatinge ŵaŵenge nge ndi muchenga, ndipo mphapu yako uli ndi mbuto yake; zina lawo mphanyi kuti lingudumulikako cha pamwenga kuliparang'a paurongo pangu.”

Nthanthi 19:14

Nyumba ndi uromba nchihara chakutuwa kwa uskeu, kweni muwoli mukongorekwa waturiya ku Ambuya.

Nthanthi 18:22

Mweniyo wasaniya muwoli wasaniya chinthu chamampha, ndipo waronde mwaŵi ku Ambuya.

Sumu 109:15

Nyengo yose Ambuya akumbuke ma utimbanizighawo, ndipo iwo ŵeneko ŵaruwikiye limu!

Sumu 34:16

Chisku cha Ambuya chimikana ndi ŵakuchita utimbanizi, kudumuwa chinkhumbu chawo mu charu.

Yoswa 7:9

Chifukwa ŵaKanani ndi wose ŵakuja mu charu cho ŵakachivwanga ichi, ndipo ŵakatizinganga, ndi kutuzgapo zina lidu mu charu chapasi sono imwe mukalichitiyanganji zina likuru?”

Chiyambo 29:27

Umari sabata ndi uyu, ndipo tikakupaskanga munyake, yo nayo mphoto yakunditataliya ine ndi virimika vinkhonde ndi viŵi.”

Ruti 4:9

Sono Boazi wanguti ku ŵara ndi ŵanthu wose, “Mwe ŵakaboni msana wale kuti ine ndagula kwaku Naomi vyose vyo vyenga vyaku Elimeleke, ndi vyose vyo vyenga vyaku Chilioni ndi Maloni.

Chiyambo 38:9

Kweni Onani wanguziŵa kuti mphapu yo kuti yikaŵanga yake cha; viyo penipo wangusere mu choko cho cha mwana munyake wangudira pasi uthurumi, kopa kuti wangamuyuskiya mphapu mwana munyake.