Ruti 2:12 - Tonga Bible 1986

¹² Ambuya akulipiyapo paku vyo ukuchita, ndipo lipila lakuzaza lipaskike kwako ndi Ambuya, Chiuta waku Yisraele mweniyo iwe waza kuzachibisama ku mapapa ghake!”

Ruti 2:12 Referans Kwoze

Sumu 36:7

A! Naku nkhuzirwa kwa chifundu chinu, A Chiuta! Ŵana ŵaŵanthu ŵadingang'a mu chiduzi cha mapapiku ghinu.

Sumu 91:4

Wakubenekeriyenge ndi mapapiku ghake, pa kuphwerereka ndi iyo ukaŵanga umamphavi. Ukongorekwa wake ndi nguru ndi chivekeru.

Sumu 63:7

pakuti mwaŵa movya wangu, ndipo mu chiduzi cha mapapiku ghinu ndikoŵera ndi kukondwa

Sumu 17:8

Ndisungeni nge nkhana ka jisu; mundibise mu mduzi wa mapapiku ghinu,

Sumu 61:4

Zomerani kuti ndijenge mu hema linu muyaya! Kuja kwakudekha kusi ku chiduzi cha mapapiku ghinu!

ŴaHebere 6:10

Chifukwa kuti Chiuta ngwambura urunji cha kuruwa nchitu yinu ndi chanju cho mungurongole zina lake, po munguteŵete ŵakupaturika wo, ndi muchaŵateŵete.

ŴaHebere 11:26

ndipo wangweska tozu lo laku Kristu yo uromba ukuru ku usambasi wamu Egipiti pakuti wangulereskako ku chilambula-mphotu.

1 Samuele 24:19

Chifukwa asani munthu wasaniya murwani wake, kumbi wangamusiya waka kuti warutenge? Ambuya akupaske mphoto yamampha pa chifukwa chaku vyo wandichitiya msana wale.

Ruti 1:16

Kweni Ruti wanguti, “Leka kundipempha kusiya iwe, pamwenga kuti ndiweko kurondo iwe, pakuti kweniko ukayanga nane ndikayanga kweniko, ndi penipo ukagonanga, nane ndikagonanga penipo, ŵanthu ŵako ŵakaŵanga ŵanthu ŵangu, ndi Chiuta wako wakaŵanga Chiuta wangu;

Sumu 57:1

Ndichitiyeni lisungu, A Chiuta, ndichitiyeni lisungu, pakuti mwaku imwe udingang'a mzimu wangu; mu chiduzi cha mapapiku ghinu ndimo ndidingang'enge, mpaka po vyajumpha vimphunga vya phasulu.

ŴaHebere 11:6

Kweni kwambura chivwanu kutondeka kumkondweska: chifukwa yo watuza kwaku Chiuta wakavwananga kuti waliko, ndipo kuti ngwakuŵalambula ŵeniwo ŵatumpenjeska.

Luka 6:35

Kweni muŵanje ŵamawongu ŵinu, ndipo ŵachitiyeni umampha ndi ŵalambiskeni kwambura kugomekezgako kanthu; ndipo mphoto yinu yiŵenge yikuru, ndipo mukaŵanga ŵana ŵa wamdengwendi: pakuti iyo ngwamampha ku ŵambura-kuwonga ndi ŵaheni.

Mateyu 23:37

“Yerusalemu, Yerusalemu we, wakubaya ŵamchimi, ndi wakuŵapong'a mya wo ŵatumizgika kwako! Kwakaringa ndakhumba kuwunjika pamoza twana twako, nge ndimo nyakhutu waunjikiya twapiyupiyu twake kusi ku mapapiku ghake, ndipo kuti ungukhumba cha!

Mateyu 5:12

Sangarukani ndi kondwani, pakuti mphotu yinu njikuru kuchanya; chifukwa wanguŵaŵemba viyo ŵamchimi ŵa paurongo pinu.

2 Timote 4:8

chajako kuti chiŵikikiye ine chifuku cho cha urunji, chenicho Mbuya, cheruzga yo murunji, wandipaskenge mu zuŵa liya: ndipo kwaku ine pe cha, kweni so kwaku wose ŵeniwo ŵanja chiwoneka chake.

2 Timote 1:18

(Mbuya wampaske kusaniya lisungu ku Mbuya mu zuŵa liya!) Ndipo vyenivyo vyose wanguteŵeta mu Efeso, iwe uziŵa umamphavi.

Mateyu 6:1

“Cheŵani, mungachitiya urunji winu paurongo pa ŵanthu cha kwachiwoneka nawo: iku mphotu mulive ku Auskemwe ŵakuchanya.

Nthanthi 23:18

Kwakuneneska kwe umukucha, ndipo gomezgu lako kuti likadumulikangako cha.

Nthanthi 11:18

Munthu wa mphurupu watanduwa mphotu yakupusika, kweni mweniyo wamija urunji waronde mphotu yeneko.

Sumu 58:11

Ŵanthu ŵakatinge, “Nadidi yiriko mphoto ya wakurunjika; kwakuneneska Chiuta waliko yo wateruzga pa charu.”

Sumu 19:11

Vitindipaska zeru nda mteŵeti winu; mu kuvisunga mwe mphoto yikuru.

ŴaKolose 2:18

mureke kususkika mu uja winu ndi ŵanthu wo ŵatenda mukujinanga maumoyo ghawo ndimu chisopa cha ŵangelo, wo ŵakujimiskiya pa viwona vyawo, ndi kujithamiya bweka ndi chinjeru chawo chanyama,

Ruti 2:11

Boazi wangumwamuka, “Vyosevyo ukuchitiya mpongozi wako kwamba pa nyifwa ya murumi wako vikukonkhoskeka kwangu; ndiso mo ukusiyiya ausu ndi anyoko, ndi charu chako ndi kuza ku ŵanthu ŵeniwo wengavi kuŵaziŵa kali.

Ruti 2:13

Sono Ruti wanguti, “We wawezi ukongwa kwangu, pakuti wandisangaruska ndi wakamba kwa ulemu ndi ine, chingana kuti nde yumoza wa mteŵeti munthukazi wako cha.”

Ruti 4:15

Wakaŵanga kwako wakuwerezgiyapo umoyo ndi mliska wa ukhongwe wako; pakuti mukumwana wako yo watukwanja iwe yo ngwaku'zirwa kwaku kuruska ŵana ŵanthurumi ŵankhonde ndi ŵaŵi.”

Yeremiya 31:16

Viyo atiti Ambuya: “Mungaliyanga cha, nanga nkhudiska masozi; mukarondiyanga mphoto ya nchitu yinu, ndipo ŵakawengako ku charu cha ŵakupindikana, atiti Ambuya.

1 Samuele 24:20

Ndipo sono, awona, ndipanikizga kuti ukaŵanga karonga ndikuti ufumu wa ŵaYisraele ukakuzgikangamu janja lako.