Ruti 1:22 - Tonga Bible 1986

²² Viyo Naomi wanguwe ndi Ruti mu Moabu, mukumwana wake pamoza nayo, yo wanguweko ku charu cha Moabu. Ndipo wanguza ku Betelehemu pa nyengo yakwamba kuvuna barile.

Ruti 1:22 Referans Kwoze

Ruti 2:23

Viyo wangukwatikana ndi mwali waku Boazi kukonkho mpaka umari wakuvuna barile ndi trigu; ndipo wajanga ndi mpongozi wake.

2 Samuele 21:9

ndipo wanguŵapereka mu manja gha ŵaGibeoni, ndipo ŵanguŵapayika pa phiri pa maso pa Ambuya, wose ŵankhonde ndi ŵaŵi ŵangumaliya pamoza. Ŵanguperekeka ku nyifwa mu mazuŵa ghakudanga gha chivuna, pa kwamba kwa chivuna cha barile.

ŴaLevi 23:10

“Kamba ku ŵaYisraele kuti, mutakuti mwafika mu charu cho nditukupaskani, ndi kuvuna vuna yake, mukazanga ndi nchinda ya vipasi vyakudanga vya vuna yinu ku mzukuru;

ŴaLevi 23:11

iyo wakazungung'anga nchinda yo paurongo pa Ambuya, alinga kuti muŵe ŵakulondereka, mzukuru wayizungung'enge ndi mlenji pavuli pa sabata.

Ruti 2:6

Ndipo mteŵeti yo wangwamuka kuti, “Mwali uyu ndi muMoabu yo wakuza ndi Naomi kutuwa ku charu cha Moabu.