Ruti 1:17 - Tonga Bible 1986

¹⁷ penipo ukafwiyanga, nane ndikafwiyanga penipo, ndipo ndikaŵikikanga penipo, mphanyi Ambuya andichitiya viyo ine ndi ukongwako so, chingana nyifwa yikandipatuwanga kwaku.”

Ruti 1:17 Referans Kwoze

1 Samuele 3:17

Ndipo Eli wanguti, “Nchine cho angukamba nawe? Ungandibisanga cha. Chiuta wakuchitiye viyo ndipo wasazgiyepo so asani undibisenge kanthu ke kose ko wangukunene.”

2 ŴaKaronga 6:31

ndipo iyo wanguti, “Mphanyi Chiuta wandichitiya viyo ine, ndi kuruskako so, asani mutu waku Elisha mwana waku Shafati ukajariliyanga pa mapheŵa ghake msana wale.”

1 ŴaKaronga 2:23

Sono karonga Solomoni wangurapiya pa Ambuya, wanguti, “Chiuta wachiti viyo kwaku ine ndi wakuskiyepo so asani mazu yagha kuti ghagulenge umoyo waku Adoniya cha!

2 Samuele 19:13

Muneniyeni Amasa, ‘Kumbi asi ndiwe chiwanga changu ndi nyama yangu? Chiuta wandichitiye ndipo wasazgiyepo so, asani iwe kuti ukaŵanga nduna ya nkhondo yangu cha, kutuwa ku sono, mu malo mwaku Yoabu.’ ”

1 ŴaKaronga 20:10

Benehadadi wangutuma so mazu kwaku iyo wanguti, “Wachiuta ŵandichitiye ichi, ndi kusazgiyapo so, asani fuvu laku Samaria likakwananga kuzaza manja gha ŵanthu wose wo ŵatindirondo.”

1 Samuele 25:22

Chiuta wamuchitiye viyo Davidi ndipo wasazgiyepo, asani ndisiyengepo yumoza munthurumi nyengo ya mawa ndi mlenji paku wose wo we nawo.”

2 Samuele 3:35

Sono pavuli khamu lo lingumuchichizga Davidi kuti warghe chiŵande kweche msana kweni Davidi wangurapa, wanguti, “Chiuta wandilange ndipo wasazgiyepo so, asani ndesenge chiŵande pamwenga kakurgha ke kose mpaka po lumwi lalasere.”

Machitidu gha Ŵakutumika 11:23

Mweniyo wanguti wazako, ndi wawona wezi waku Chiuta, wangukondwere; ndipo wanguŵachichizga wose, kuti ndi linweka la mtima ŵamiziriye ku Ambuya;

1 ŴaKaronga 19:2

Sono Yezebelu wangutuma thenga kwaku Eliya, kuti, “Viyo so ndimu ŵachitiyi ŵachiuta kwaku ine, ndi kuruskako so, asani umoyo wako ndirekenge kuwuchita ulaka mbumoyo wa yumoza waku wo pa nyengo nge ndi iyi la mawa.”

2 Samuele 3:9

Chiuta wandichitiye viyo, ndipo wasazgiyepo asani ndireka kumufiskiya Davidi vyo Ambuya akurapiya paku iyo,

Machitidu gha Ŵakutumika 20:24

Kweni kuti ndipimiya umoyo wangu kanthu socha, chingana ngwakuzirwa kwaku ndamweni cha, uli nkhufiska mvizi wangu ndi likondwa, ndi uteŵete wondinguronde ku Ambuya Yesu, kwachisimikizgiya evangeli wo wa wezi waku Chiuta.

Ruti 1:16

Kweni Ruti wanguti, “Leka kundipempha kusiya iwe, pamwenga kuti ndiweko kurondo iwe, pakuti kweniko ukayanga nane ndikayanga kweniko, ndi penipo ukagonanga, nane ndikagonanga penipo, ŵanthu ŵako ŵakaŵanga ŵanthu ŵangu, ndi Chiuta wako wakaŵanga Chiuta wangu;

Ruti 4:15

Wakaŵanga kwako wakuwerezgiyapo umoyo ndi mliska wa ukhongwe wako; pakuti mukumwana wako yo watukwanja iwe yo ngwaku'zirwa kwaku kuruska ŵana ŵanthurumi ŵankhonde ndi ŵaŵi.”

1 Samuele 14:44

Sauli wanguti, “Chiuta wandichitiye viyo ndipo wasazgiyepo; kwakuneneska ukafwanga Jonafani.”

1 Samuele 20:13

Ndipo asani chingaŵakondweska, ada kukuchitiya uheni, Ambuya andichitiye kwakulingana ndipo asazgiyepo so, asani ndireka kukukambiya, kuti utuwepo, ndi kuti mphanyi wenda mu chimangu. Ambuya aŵenge nawe nge ndimo aŵiya ndi ada.

2 Samuele 15:21

Kweni Itai wanguti, “Ndarapa Ambuya amoyo ndi mbuyangu karonga wamoyo, ko kose mbuyangu karonga mukaŵanga, manyi nkhu nyifwa pamwenga ku umoyo ndiku nane ndamteŵeti winu ndi kaŵanga.”

1 ŴaKaronga 13:31

Ndipo pavuli wati wamuŵika wangunene ŵana ŵake, “Asani ine ndafwa, mundiŵike mu muunda weniwo munthu waku Chiuta waŵikikamo; mulariki viwanga vyangu pafupi ndi viwanga vyake.

Sumu 45:10

Vwanga, wa mwana munthukazi we, ghanaghana, tegherezga gutu lako; uruwe ŵanthu ŵako ndi nyumba ya ausu;