Ruti 1:16 - Tonga Bible 1986

¹⁶ Kweni Ruti wanguti, “Leka kundipempha kusiya iwe, pamwenga kuti ndiweko kurondo iwe, pakuti kweniko ukayanga nane ndikayanga kweniko, ndi penipo ukagonanga, nane ndikagonanga penipo, ŵanthu ŵako ŵakaŵanga ŵanthu ŵangu, ndi Chiuta wako wakaŵanga Chiuta wangu;

Ruti 1:16 Referans Kwoze

2 Samuele 15:21

Kweni Itai wanguti, “Ndarapa Ambuya amoyo ndi mbuyangu karonga wamoyo, ko kose mbuyangu karonga mukaŵanga, manyi nkhu nyifwa pamwenga ku umoyo ndiku nane ndamteŵeti winu ndi kaŵanga.”

Sumu 45:10

Vwanga, wa mwana munthukazi we, ghanaghana, tegherezga gutu lako; uruwe ŵanthu ŵako ndi nyumba ya ausu;

Mateyu 8:19

Ndipo mlembi yumoza wanguza, wangumnene, “Msambizgi, nkharondonga imwe ko kose mungaruta.”

Yohane 13:37

Petro wamnene, “Ambuya, chifukwa chine ndingatondeka kukurondoni sono? Ndiŵikiyenge pasi umoyo wangu chifukwa chinu.”

1 ŴaTesalonika 1:9

Chifukwa iwo ŵeneko ŵakamba gha kurondereka kwidu kwaku imwe ko tinguŵa nako, ndimo mungung'anamukiya kwaku Chiuta kutuwako ku vyangoza kwachiteŵete Chiuta wamoyo ndi muneneska,

Yesaya 14:1

Ambuya akaŵanga ndi chitima paku Yakobe ndipo akasankhanga so Yisraele, akaŵaŵikanga mu charu chawo ndi chawo, ŵalendo ŵakajisazganga kwaku wo, ŵakajibatikanga ku nyumba yaku Yakobe.

Machitidu gha Ŵakutumika 21:13

Sono wangwamuka Paulo, “Muchitanji, kuliya ndi kuswa mtima wangu? Chifukwa ine nde wakurongosoleke kwachimangika pe cha, kweni so kufwiya mu Yerusalemu pa chifwa cha zina la Ambuya Yesu.”

Hoseya 13:4

Ndine Ambuya Chiuta winu kutuwa ku charu cha Egipiti. Muziŵa Chiuta munyake cha, kweni ine pe, ndipo pade paku ine palivi mtaski munyake.

Danyele 2:47

Karonga wanguti kwaku Danyele, “Kwakuneneska Chiuta wako ndi Chiuta wa ŵachiuta, ndi karonga wa ŵakaronga, muwuvumbuzi wa vya muchindindi, chifukwa iwe wavumbuwa cha muchindindi ichi.”

Chivumbuzi 14:4

Yaŵa mbeniwo ŵengavi kukazuzgika ndi ŵanthukazi; chifukwa ndi zimbeto. Yaŵa mbeniwo ŵarondo Mwana-mberere yo kweniko kose watiya. Yaŵa mbeniwo ŵakuwomboleka mu ŵanthu, kuŵa mruwuku kwaku Chiuta ndi ku Mwana-mberere yo.

Yoswa 24:18

ndipo Ambuya angudikiska ŵanthu wose paurongo pidu, ŵaAmori wo ŵajanga mu charu ichi; chifukwa chenichi nafwe so titataliyenge Ambuya; pakuti ndiyo Chiuta widu.”

Danyele 4:37

Sono ine, Nebukadanezara ndikankhuska, ndi kukuzga, ndi kutumbika Karonga wakuchanya, chifukwa nchitu zake zose zakurunjika; ndipo wo ŵatenda kwakujikuzga waziŵa kuŵayuyuwa.

Danyele 3:29

Chifukwa ichi ndilangula kuti, ŵanthu wose, mitundu yose, pamwenga kakambidu, ŵakukamba kanthu kose kumikana ndi Chiuta waku Shadreke, Mesheke, Abedenego, ŵakadumulikanga chiŵaru ndi chiŵaru, ndi nyumba zawo zikasanduskikanga makunthu; chifukwa kulivi Chiuta munyake yo waziŵa kutaska viyo.”

Ruti 1:15

Ndipo Naomi wanguti, “Wona muwoli munyako wawere ku ŵanthu ŵake, ndi ku ŵachiuta ŵake: uweko nawe rondo muwoli munyako.”

Ruti 1:17

penipo ukafwiyanga, nane ndikafwiyanga penipo, ndipo ndikaŵikikanga penipo, mphanyi Ambuya andichitiya viyo ine ndi ukongwako so, chingana nyifwa yikandipatuwanga kwaku.”

Ruti 4:15

Wakaŵanga kwako wakuwerezgiyapo umoyo ndi mliska wa ukhongwe wako; pakuti mukumwana wako yo watukwanja iwe yo ngwaku'zirwa kwaku kuruska ŵana ŵanthurumi ŵankhonde ndi ŵaŵi.”

Nthanthi 17:17

Bwezi litanja nyengo zose, ndipo mwana munyako wakupapikiya suzgu.

Ruti 2:6

Ndipo mteŵeti yo wangwamuka kuti, “Mwali uyu ndi muMoabu yo wakuza ndi Naomi kutuwa ku charu cha Moabu.

Zekariya 8:23

Viyo atiti Ambuya ŵa maŵanja: Mu mazuŵa gho, ŵanthu ŵakutuwa ku mitundu ya karongoroledu kose ŵakonge saru ya muYuda, ndi kuti, ‘Utizomerezge tirutenge, nawe, chifukwa tavwa kuti Chiuta we ndi iwe.’ ”