Ruti 1:14 - Tonga Bible 1986

¹⁴ Viyo ŵangusoska so mazu ghawo ndi ŵanguliya so; ndipo Oropa wangufyofyontha mpongozi wake, kweni Ruti wangukaniliya kwaku iyo.

Ruti 1:14 Referans Kwoze

Nthanthi 18:24

Ghalipo mabwezi ŵeniwo ŵachitauli ndi mabwezi kweni pe bwezi lo libatikana pafupi kwakuruska mwana munyake.

Mateyu 16:24

Yesu wanguŵanene ŵasambizi ŵake, “Asani yumoza wakhumba kuza kuvuli kwangu, wajikanizge, wato mphinjika yake, ndi wandirondo.

Mateyu 10:37

Yo ngwakwanja wiske pamwenga nyina kwakuruska ine kuti ngwakwenere ine cha; ndipo yo ngwakwanja mwana munthurumi pamwenga mwana munthukazi kwakuruska ine, kuti ngwakwenere ine cha.

ŴaHebere 10:39

Kweni ifwe kuti te ŵakuwele vuli cha ku wanangiku, kweni ŵa chivwanu ku utaski wa mzimu.

Mateyu 19:22

Kweni jaha lo, lati lavwa mazu gho linguruta lachisungu ukongwa; chifukwa lenga ndi usambasi unandi.

Zekariya 8:23

Viyo atiti Ambuya ŵa maŵanja: Mu mazuŵa gho, ŵanthu ŵakutuwa ku mitundu ya karongoroledu kose ŵakonge saru ya muYuda, ndi kuti, ‘Utizomerezge tirutenge, nawe, chifukwa tavwa kuti Chiuta we ndi iwe.’ ”

Yesaya 14:1

Ambuya akaŵanga ndi chitima paku Yakobe ndipo akasankhanga so Yisraele, akaŵaŵikanga mu charu chawo ndi chawo, ŵalendo ŵakajisazganga kwaku wo, ŵakajibatikanga ku nyumba yaku Yakobe.

Nthanthi 17:17

Bwezi litanja nyengo zose, ndipo mwana munyako wakupapikiya suzgu.

1 ŴaKaronga 19:20

Ndipo wangujowo ng'ombe, ndi wanguchimbiriya Eliya, wanguti, “Akani nkhafyofyonthe ada ndi ama, pavuli ndikalondonga iwe.” Ndipo wanguti kwaku iyo, “Were so vuli, pakuti kumbi ndachitanji kwaku iwe?”

Marangu 10:20

Mopenge Ambuya Chiuta winu, mukamuteŵetiyanga ndi kumusiya cha, ndi kurapa pa zina lake.

2 Timote 4:10

chifukwa Demase wandisiya, wati wanja mgonezi wasono, ndipo waruta ku Tesalonika; Kreskeno nayo ku Galatia, Tito ku Dalmatia.

Machitidu gha Ŵakutumika 17:34

Kweni ŵanthurumi ŵanyake, ŵakuskepererana nayo ŵanguvwana: mwaku wo so mwenga Dionusio, waAreopago, ndi munthukazi, zina lake Damarisi, ndi ŵanyake pamoza nawo.

Chiyambo 31:55

Ndi mlenji-lenji Labani wangusoka, ndiwangufyofyontha ŵazuku ŵake ndi ŵana ŵake ŵanthukazi ndi wanguŵatumbika; pavuli wanguruta wanguwere kwake.

Chiyambo 31:28

Ndipo chifukwa nchine wengavi kundizomerezga kulaliskana ndi kufyofyontha ŵana ŵangu ŵanthurumi ndi ŵanthukazi? Awona ukuchita kwa kupusa.

Marangu 4:4

kweni imwe mungungangamikiya pa Ambuya Chiuta winu, mweche ŵamoyo mose msana wale.

Ruti 1:13

Kumbi imwe mungaŵalindizga mpaka ŵakuwe? Kumbi mungajikanizga kuŵirwa? Awa mwa ŵana ŵangu nde wakupwetekeka limu mu mtima chifukwa chaku imwe, kuti janja la Ambuya la tambarukiya paku ine kundisuzga.”

Ruti 1:15

Ndipo Naomi wanguti, “Wona muwoli munyako wawere ku ŵanthu ŵake, ndi ku ŵachiuta ŵake: uweko nawe rondo muwoli munyako.”

2 Samuele 19:39

Ndipo khamu lose lingwambukiya kusirgha ku Yordane, karonga nayo wangwambuka; karonge wangufyofyontha Barzilai ndi kumutumbika, ndipo wanguwere ku muzi wake.

Ruti 1:7

Viyo wangusoka kutuwa pa malo penipo wenga pamoza ndi ŵakumwana ŵake ŵaŵi; ndipo ŵanguruta pa ulendo wowo kuwere ku charu chaku Yuda.

Ruti 2:11

Boazi wangumwamuka, “Vyosevyo ukuchitiya mpongozi wako kwamba pa nyifwa ya murumi wako vikukonkhoskeka kwangu; ndiso mo ukusiyiya ausu ndi anyoko, ndi charu chako ndi kuza ku ŵanthu ŵeniwo wengavi kuŵaziŵa kali.