Obadiya 1:7 - Tonga Bible 1986

⁷ Ŵanthu wose wo ŵenga pa chimangu ndi iwe ŵakupusika, ŵakudikiskiya ku mphaka; wose wo ŵenga pa phangano nawe ŵakugoda; ŵabwezi ŵako ŵamagomekezgeka ŵakuthya msampha kusi kwako kuti iwe uziŵa ndi ichi cha.

Obadiya 1:7 Referans Kwoze

Sumu 41:9

Nanga ndi mwanasi wangu wapa mtima mwaku mweniyo ndingugomekezga, yo wangurgha kurgha kwangu, nayu so wandisoske chitende chake.

Yeremiya 49:7

Gha paku Edomu. Viyo atiti Ambuya ŵa maŵanja: “Kumbi zeru kuti zichalimu cha mu Temani? Kumbi fundu zaŵamariya ŵa zeru? Kumbi chinjeru chawo chikuzilimitiya?

Yeremiya 30:14

Ŵakwanjiwa ŵako wose ŵakuruwa; kuti ŵatikuphwere nanga nkhamana cha; pakuti ndakupuma iwe nge ngwakupindikana, kulanga kwa murwani wambura lisungu pakuti kulakwa kwako nkhukuru, inya mauheni ghako nganandi.

Yohane 13:18

Kuti ndinena imwe mose cha; ine ndiziŵa wo ndatondo: kweni kuti lifiskike lembo lo, ‘Wakurgha chiŵande pamoza nane wasoske paku ine chitende chake.’

Hoseya 13:13

Urwirwi wa pakubara mwana umuziyenge, kweni ndi mwana wambura zeru, chifukwa sono kuti wajirongo cha pa mlomo wa nthumbu.

Chitenje 1:19

“Ndingudanirizga ku ŵakwanjiwa ŵangu kweni ŵangundipusika; ŵazukuru ŵangu ndi ŵaraŵara ŵangumaliya mu msumba, penipo ŵapenjanga kurgha kuwerezgamo nthazi zawo.

Yeremiya 38:22

Ehe, ŵanthukazi wose wo ŵakusiyika mu nyumba ya karonga waku Yuda ŵarongozgekiyenge ku ŵaraŵara ŵa karonga wa Babiloni ndipo ŵakambanga kuti, ‘Mabwezi ghinu ghamagomekezgeka ghamupusikani ndipo ghamuthereskani; sono po marundi ghinu ghaphatiya mu ulambwe, ŵatuwako kwinu.’

Yeremiya 20:10

Pakuti ndituvwa ŵanandi ŵatokotezga. “Mantha ghe mu malo ghose! Musumuweni! Tiyeni timusumuwe!” Ndimu ghakambiya mabwezi ghangu ghose ghakuziŵirizgana nagho, ŵakulindizga kuwa kwangu. “Akhumba wakapusikikanga, penipo ndipo tingaziŵa kumupunda, ndi kumutayiya thayu lidu.”

Yeremiya 4:30

Ndipo iwe, wamu mapopa, ung'anamuwanji pakuvwara vyakutije, utijinozga ndi vyakunozge vya golide, ukuzga maso ghako ndi vyakupaka? Utijitozga kwawaka. Mabwezi ghako ghatukunyoza; ŵapenja umoyo wako.

Yesaya 27:11

Zititi zamira mphanda zake, zifyoka, ŵanthukazi ŵatuza kuzachidewa nkhuni za moto. Pakuti yaŵa mbanthu ŵambura kuteska, chifukwa cho wakiŵalenga yo kuti wakaŵanga nawo ndi lisungu cha, mweniyo wanguŵaumba kuti wakaŵarongonga wezi so cha.

Sumu 41:10

Kweni imwe, Ambuya, ndichitiyeni wezi, nditumphuskeni, alinga kuti ndiŵawerezgiyepo!

Hoseya 7:11

Efraimu wenge ndi nkhunda, yakupusa ndi yambura zeru; wadana ku Egipiti, watiya ku Asiriya.