Obadiya 1:3 - Tonga Bible 1986

³ Kujikuzga kwa mtima wako kwaupusika, iwe uja mu zimphanji za majarawi, wamweniwe malo ghako ghakujapo ghe pachanya, iwe mu mtima wako ukamba, “Njani wandisiskiyenge pasi pa dongo?”

Obadiya 1:3 Referans Kwoze

Yeremiya 49:16

Kofya ko we nako kwakupusika, ndi kujikuzga kwa mtima wako, iwe wakuja mu malijengwajengwa gha mya, iwe uthamiya utali wa mtunthu. Chingana uchita chivimbu chako nge ncha nombo, ine ndikakusiskiyanga pasi kutuwa kwenikuwa, atiti Ambuya.

Nthanthi 29:23

Kujikuzga kwa munthu kukamusiskiyanga pasi, kweni mweniyo ngwakujiyuyuwa mumzimu wakarondanga thumbiku.

Yesaya 16:6

Tavwa gha kujikuzga kwaku Moabu, mwenimo wangujikuzgiya; kujikwezga kwake, kujikuzga kwake, ndi mtafu wake kujithamiya kwake nkhwa utesi.

2 ŴaKaronga 14:7

Wangubaya ŵaEdomu vikwi chumi muDambo la Mche, ndipo wanguto Sela ndi nkhondo ndipo wanguwudana Joktelu, lo ndi zina lake mpaka kunu ku sono.

Malaki 1:4

Asani Edomu watiti, “Tapasuka, kweni tizengenge so vyakupasuka,” Ambuya ŵa maŵanja atiti, “Wazengenge kweni ine ndipasuliyenge pasi, mpaka wadanike mtundu uheni, ŵanthu wo Ambuya akwiya nawo muyaya.”

Yeremiya 49:4

Chifukwa chine utijitukumuwa pa madambo ghako, wa mwana munthukazi wambura magomezgeka; yo wangugomekezga mu chuma chake, kunena kuti, ‘Njani yo wakandiyukiyanga?’

Nthanthi 18:12

Paurongo pa phasulu mtima wamunthu utijikuzga, kweni kujiyuyuwa kutiya paurongo pa ulemu.

Nthanthi 16:18

Kujikuzga kudanjiya paurongo papharghaniku, ndi mtima wakujikuzga paurongo pa kuwa.

2 Mikoka 25:12

Ŵanthu ŵaku Yuda ŵanguko ŵanyake ŵamoyo vikwi chumi (10,000) ndi ŵanguŵatore pachanya pa jarawi ndi ŵangutekenyeka wose.

2 Mikoka 25:11

Kweni Amaziya wangujikhomeska, ndi wangulongozga nkhondo yake ndi wanguruta ku Dambo la Mche, ndi wangubaya vikwi chumi (10,000) vya wanthu ŵaku Seiri.

Jobu 20:6

Chingana msinkhu wake ufika mpaka kuchanya, ndipo mutu wake ugota ku mitambo,

Yeremiya 21:13

“Ehe, ine nde wakususkana nawe, wakuja mu dambo we, jarawi lapa mtetete we, atiti Ambuya; mwaŵenimwe mutiti, ‘Njani wakasikanga kulimbana ndi ifwe, pamwenga njani wakaserenga mu nyumba zidu?’

Yeremiya 37:9

Viyo atiti Ambuya, Rekani kujipusika, kuti, “ŴaKaldiya ŵakatuwangako kwaku ifwe”; pakuti watuwengeko cha.

Yeremiya 48:28

Yisiyeni misumba, janinga mu majarawi, mwa ŵakuja mu Moabu mwe! Muŵe uli ndi njiŵa yo yizenga chivimbu, mu mphepete mu mlomo wa jarawi.

Chiyambo 36:8

Viyo Esau wanguja mu charu cha mapiri gha Seiri, Esau ndiyo Edomu.

Ezekiele 28:16

Mukwandana kwa maronda ghako unguzazika ndi nkhaza, reka ungulakwa; chifukwa cho ndingukutaya nge nchinthu chakukazuzgika kutuwapo pa phiri laku Chiuta, ndipo kerubi mlinda yo wangukudikiska kukutuzga mukati mu mya ya moto.