Nthanthi 8:34 - Tonga Bible 1986

³⁴ Wakukondwa ndi munthu mweniyo wategherezga kwangu, wakulindizga zuŵa ndi zuŵa pa malikomo ghangu, wakulindizga pafupi pa makhomo ghangu.

Nthanthi 8:34 Referans Kwoze

Luka 11:28

Kweni iyo wanguti, “Viŵiviŵi kwari mbamwaŵi wo mbakuvwa mazu ghaku Chiuta ndi mbakughachita.”

Mateyu 7:24

“Viyo yose yo watuvwa mazu ghangu ghenagha, ndi waghachita, walinganizgikenge ku munthu wazeru, mweniyo wanguzenga nyumba yake pa jarawe:

Nthanthi 3:13

Wakukondwa ndi munthu mweniyo wasaniya zeru ndi yo munthu waronde kuwamo,

Machitidu gha Ŵakutumika 2:42

Ndipo ŵajaririyanga chitatata mu chisambizgu cha ŵakutumika, ndi mu wanase wo, ndi mu chimenya cho cha chiŵande, ndi mu marombo gho.

Luka 10:39

Ndipo iyo wenga nayo mhurwa wake wakutamulika Mariya, mweniyo so, wakuja pasi ku marundi ghaku Yesu, wavwanga mazu ghake.

Nthanthi 3:18

Ndi muti wa umoyo kwaku ŵaniwo ŵatiwuko; ŵeniwo ŵatiukoleska ŵadanika kukondwa.

Sumu 84:10

Kutandara zuŵa limoza mu nyumba yinu yakupaturika nkhwamampha, kwakuruska kutandara kunyake mazuŵa chikwi. Ine mphanyi ndinguwa wakuma pa likomo la nyumba yaku Chiuta kwakuruska kuja mu mahema gha ŵaheni.

Sumu 27:4

Chinthu chimoza ndafumba ku Ambuya, chenicho ndicho ndikapenjanga; kuti ndijaririye mu nyumba ya Ambuya mazuŵa ghose gha umoyo wangu, kudaŵira kunozga kwa Ambuya, ndi kupenjeska mu nyumba yawo yakupaturika.

Luka 1:6

Ndipo ŵenga ŵarunji wose ŵaŵi pa maso paku Chiuta, ŵakwenda ŵambura kalema mwaku vyose vilangulu ndi vyeruzgu vya Ambuya.

Nthanthi 1:21

pa vimati pachanya chiliya pakweru; pa kuserere pa malikomo gha msumba chirongoro,

Sumu 92:13

Ndi miti yakupandika mu nyumba ya Ambuya, wo ŵatipitiya mu kasopi waku Chiuta widu.

Chituwa 12:7

Sono ŵakatongapo ndopa, ndi kuziŵika pa nchindamiru ziŵi za pakhomo ndi pa mugoro wazinyumba mwenimo ŵakarghiyanga.

1 ŴaKaronga 10:8

Mbakukondwa ŵawoli ŵinu! Mbakukongwa ŵaŵanda ŵinu yaŵa, wo nyengu zose ŵatuma paurongo pinu kuvwa zeru yinu.