Nthanthi 5:21 - Tonga Bible 1986

²¹ Pakuti nthowa za munthu ze paurongo pa maso gha Ambuya, ndipo iwo ŵateska nthowa zake zose.

Nthanthi 5:21 Referans Kwoze

ŴaHebere 4:13

Ndipo palive chakulengeka chambura kuwoneka paurongo pake: kweni vyose vye nkhuli ndi mwazi ku maso ghaku mweniyo te ŵachifukwa nayo.

Nthanthi 15:3

Maso gha Ambuya ghemu malo ghose, ghalereska ŵaheni ndiŵamampha.

Yeremiya 32:19

mwa ŵara mu kupangizga zeru ndi ŵakulimba mu kuchita; mwaŵenimwe maso ghinu ghalereska nthowa zose za ŵanthu, mwaŵakupaska munthu we yose kwakulingana ndi nthowa zake ndi kwakulingana ndi chipasi cha nchitu zake;

Jobu 34:21

“Pakuti maso ghake ghe pa nthowa za munthu ndipo ghawona mendero ghake ghose.

Sumu 11:4

Ambuya ŵemu nyumba yawo yakupaturika, chitengu cha Ambuya che mu machanya; maso ghawo ghalereska, vikope vyawo vitesa ŵana ŵa ŵanthu.

Jobu 31:4

Kumbi iyo kuti wawona nthowa zangu cha, ndi kuŵerenga michapo yangu yose?

Hoseya 7:2

Kweni ŵaghanaghana cha kuti ndikumbuka nchitu zawo zose ziheni. Sono milimu yawo yaŵazinga, ye pa maso pangu.

Yeremiya 23:24

Kumbi munthu wangajibisa mu malo ghakubisika kuti ine nditondeke kumuwona? atiti Ambuya. Asi ine ndizaza kuchanya ndi charu chapasi? atiti Ambuya.

Yeremiya 16:17

Pakuti maso ghangu ghe pa nthowa zawo zose, kuti mbakubisama cha kwangu, nanga mbutimbanizi wawo kuti ngwakubisika ku maso ghangu cha.

Sumu 119:168

Ndivwiya malangulu ndi virungu chizgu vinu; imwe muwona vyose vyo ndichita.

Sumu 17:3

Asani imwe mungayesa mtima wangu, asani mungachezga nane ndi usiku, asani mungandipima, kuti mukasaniyangamo uheni cha mwaku ine; mlomo wangu kuti ulakwa cha.

Jobu 14:16

Viyo ndipo mwatinge muŵerengenge michapo yangu, kuti mwatinge mulereske pa uheni wangu cha,

2 Mikoka 16:9

Pakuti maso gha Ambuya ghalereska uku ndi uku mu charu chose chapasi, ku jirongo nthazi kovya wo mitima yawo njakufikapo pa maso pake. Mwaku ichi wachita ubereŵeza; kwamba sono uŵenge ndi zinkhondo.”

Yeremiya 17:10

“Ine Ambuya ndipapaska mzimu, nditesa mtima, kupaska ku munthu we yose kwakulingana ndi thowa zake, kwakulingana ndi chipasi cha machitidu ghake.”

Chivumbuzi 2:23

Ndipo ŵana ŵake nkhaŵabayanga ŵakafwanga; ndipo yiziŵenge mipingu yose kuti ndine ndipenjapenja zeru ndi mtima: ndipo nkhakupaskaninga munthu we yose kwakulingana ndi machitidu ghinu.

Chivumbuzi 2:18

“Ndipo ku mungelo wa mpingu wamu Thiatira ulembe: ‘Vyenivi watiti Mwana waku Chiuta, mweniyo we ndi maso ulaka nge ndi mlipu wa moto, ndi marundi ghake ghakukozgana ndi mkuŵa wakugabuka.

Nthanthi 4:26

Uphwere nthowa ya marundi ghako, po ndipo nthowa zako zose zikaziŵikanga nadi.

Nthanthi 5:6

kuti watiyiphwere cha nthowa ya umoyo; nthowa zake ziyingayinga kweni iyo kuti waziŵa cha.

Yeremiya 29:23

Chifukwa ŵachita chakupusa mu Yisraele, ŵachita ureŵi ndi ŵawoli ŵa ŵanasi ŵawo, ndipo ŵarongoro mu zina langu mazu gha utesi gho ndengavi kuŵalanguliya. Ine ndine ndiziŵa, ndipo nde kaboni, atiti Ambuya.’ ”

Jobu 24:23

Watuŵapaska chimangu ndipo ŵakhozgeka, maso ghake ghe pa nthowa zawo.