Nthanthi 31:30 - Tonga Bible 1986

³⁰ Mayera ghanyenga, ndipo kutowa nako nchawaka, kweni munthukazi wakopa Ambuya warumbikenge.

Nthanthi 31:30 Referans Kwoze

Nthanthi 1:7

Kopa Ambuya ndiku kwamba kwa zeru; ŵakupusa ŵayeya chinjeru ndi visambizgu.

Nthanthi 11:22

Uli ndi mphete ya golide pa mphunu ya nkhumba ndimu walili munthukazi wakutowa yo walivi kateskeru.

1 Petro 1:24

Chifukwa kuti, “Munthu yose we uli mbuteka, ndi unkhankhu wake wose uli ndi luŵa la uteka. Uteka wo umira, ndipo luŵa lake limota:

Nthanthi 8:13

Kopa Ambuya nkhutinkha uheni. Kunyada ndi kujikuzga ndi nthowa ya uheni ndi kirongoro kwakupuruska nditinkha.

1 ŴaKorinte 4:5

Viyo mungeruzgiyanga limu kanthu cha, yindaze nyengo, Ambuya ŵenga ŵandaze, ŵeniwo nawo ŵavumuwenge vibisibisi vya mdima, ndipo ŵawoneskenge pakweru vipangu vya mitima. Penipa ndipo likamuŵiyanga munthu we yose rumbu lake kutuliya kwaku Chiuta.

1 Petro 1:7

alinga kuti chirozgu cha chivwanu chinu, chakuzirwa kwakuruska golide, lo litanangika chingana ndakweseka mu moto, chisanirike kutataliya rumbu ndi unkhankhu ndi thamu pa uvumbuzi waku Yesu Kristu;

Luka 1:6

Ndipo ŵenga ŵarunji wose ŵaŵi pa maso paku Chiuta, ŵakwenda ŵambura kalema mwaku vyose vilangulu ndi vyeruzgu vya Ambuya.

Sumu 147:11

Kweni Ambuya akondwere ndi ŵakuwopa, wo ŵagomekezga mu chanju chawo chakufikapo.

Nthanthi 6:25

Unganwekanga kutowa kwake mu mtima wako, ndipo wangakusompho ndi nkhope zake cha;

2 Samuele 14:25

Kweni mu Yisraele yose mwengavi yumoza yo wanguthokozeka pa chifukwa cha kutowa kwake nge ndi Absalomu, kutuliya kusi ku phazi lake, mpaka pachanya pa mutu wake, mwaku iyo mwengavi kalema.

Yakobe 1:11

Chifukwa lumwi lo lituwa ndi chifundizi, ndipo liumizga uteka; ndi luŵa lake limota, ndi utozi wa kawonekedu kake utanangika: viyo so msambasi mayo wafoteskekenge mu mendedu ghake.

Wakutaula 12:13

Umari wa makani; vyose vyavwika muwope Chiuta, ndipo sungani marangu ghake; pakuti ichi ndicho ndi nchitu yose ya munthu.

ŴaRoma 2:29

kweni ndiyo muYuda yo ngwa mukati; ndipo mchinju ngwa mtima, mu mzimu, mu lembo cha; rumbu laku mweniyo kuti nda ku ŵanthu cha, kweni kwaku Chiuta.

Ezekiele 16:15

“Kweni iwe ungugomekezga mu utozi wako, chifukwa cha mbiri yako unguchita ureŵi, ungujipereka ku maureŵi ghako ndi munthu we yose yo wangujumphapo.

Wakutaula 7:18

Nkhwamampha kuti uchikoreske ichi, ndipo ureke kutuzgapo janja lako paku cho; chifukwa yo watopa Chiuta wakatuwangmo mwaku vyo vyose.

Sumu 112:1

Rumbani Ambuya! Wakukondwa ndi munthu yo watopa Ambuya, yo wakondwere mu kuvwiya marangu ghawo.

Nthanthi 11:16

Munthukazi wa wezi waronde ulemu, ndi ŵanthu ŵandeu ŵasaniya uromba.

Nthanthi 22:4

Mphoto ya kujiyuyuwa ndi kopa Ambuya mbusambasi ndi ulemu ndi umoyo.

Nthanthi 31:29

“Ŵanthukazi ŵanandi ŵachita umampha ukongwa, kweni iwe waŵaruska wose.”

Nthanthi 31:31

Umupaske iyo vya chipasi cha manja ghake, ndipo nchitu zake zimurumbe mu malikomo.