Nthanthi 30:4 - Tonga Bible 1986

⁴ Njani wangukwere kuchanya ndi kusikiya pasi? Njani wakufumbatiya mphepo mu janja lake? Njani wakuvungiya maji mu chivwaru chake? Njani wakujarika vigoti vyose vya charu chapasi? Zina lake njani ndipo zina la mwana wake njani? Kwakuneneska muziŵa!

Nthanthi 30:4 Referans Kwoze

Yohane 3:13

Chifukwa palivi yumoza yo wakweriyako kuchanya, kweni mwana wa munthu pe yo wasikako ku kuchanya.

Jobu 26:8

Wamanga maji pamoza mu mitambo yake yakukho, ndipo mitambo kuti yiziŵa kukerurika ndi gho cha.

Yesaya 9:6

Pakuti kwaku ifwe mwana wapapika kwaku ifwe kwapaskika mwana munthurumi, ndipo weruzgi ukaŵanga pa pheŵa lake, zina lake likadanikanga “Wakupaska fundo Wakuziziswa, Chiuta wanthazi, Dada wa Muyaya, Karonga wa Chimangu.”

Yesaya 7:14

Chifukwa ichi Ambuya ŵeneko ŵakakupaskaninga chisimikizgu. Ehe, munthukazi mwali wakazuukanga wapapenge mwana munthurumi, ndi wadanenge zina lake Immanuele.

Marangu 30:12

Kuti le kuchanya cha, kuti mungakamba, ‘Njani wakatirutiyanga kuchanya, kwachititole lo kwaku ifwe, alinga kuti tilivwe ndi kulichita?’

Chivumbuzi 19:12

Maso ghake ghenga uli ndi mlipu wa moto, ndi pa mutu pake penga vifuku vinandi; we ndi zina lakulembeka, lenilo palive yumoza waziŵa kweni mwenecho yija.

ŴaRoma 10:6

Kweni urunji wamu chivwanu ukamba viyo, Unganenanga cha mu mtima wako, “Njani wakweriyengeko kuchanya?” (ndiku, kusiska Kristu);

Marangu 28:58

“Asani mukaŵanga ŵambura kuphwere kuchita mazu ghose gha dangu ili ghenigho ghakulembeka mu buku ili, kuti mopenge zina la unkhankhu ndi lakofya, Ambuya Chiuta winu,

Yesaya 53:8

Ndi kuyuzgika ndi cheruzgu wangutoreka; ndipo nge mpha mugonezi wake, njani wangughanaghanapo, kuti wangudumulikako ku charu cha ŵamoyo, wangupumika chifukwa cha vyakulakwa vya ŵanthu ŵangu?

Sumu 68:18

Mungukwere ku machanya, munguto ŵamikoli ŵanandi pamoza namwe; murombe vya wanangwa kutuwa ku ŵanthu ŵakugaruka. Ambuya Chiuta wakajanga kwenikuwa.

Sumu 2:7

Ndikambenge vya langulu la Ambuya: Angundinene, “Ndiwe mwana wangu, msana wale ndakubara iwe.

Chituwa 6:3

ndinguwoneka kwaku Abrahamu, kwaku Yisaki, ndi kwaku Yakobe, nge ndi Chiuta Wanthazizose, kweni ndi zina langu la Ambuya ndengavi kujiziŵiska kwaku wo.

Ŵeruzgi 13:18

Mungelo wanguti kwaku iyo, “Chifukwa chine ufumba zina langu, pakuwona kuti nchakuziziswa?”

Luka 10:22

Vyose vyaperekeka ndi Ada kwaku ine: ndipo palive yumoza waziŵa yo ndi Mwana, kweni Dada pe; ndipo yo ndi Dada, kweni Mwana pe, ndi yose kwaku mweniyo Mwana wangakhumba kumvumbuliya.”

Mateyu 11:27

Vyose vyaperekeka kwaku ine ndi Ada: ndipo palive yumoza yo waziŵa Mwana kweni Ada pe, ndipo palive yumoza yo waziŵa Dada kweni Mwana pe, ndi so mweniyo yose Mwana wakhumba kumvumbuliya.

Yeremiya 23:6

Mu mazuŵa ghake Yuda wakataskikanga, Yisraele wakajanga umamphavi ndipo ili ndilo zina wakadanikanga nalo: ‘Ambuya mburunji widu.’

Sumu 24:2

chifukwa iyo wakuchijarika pa zinyanja, ndi kuchimiska pa misinji.

Sumu 22:27

Vigoti vyose vya charu chapasi vikumbukenge ndi kuwere ku Ambuya; ndipo mafuku ghose gha mitundu ya ŵanthu gha sopenge paurongo pinu.

Chiyambo 32:29

Sono Yakobe wangumufumba, “Undinene, nditukupempha, zina lako.” Kweni iyo wanguti, “Chifukwa chine ufumba zina langu?” Ndipo penipa wangumutumbika.

Chituwa 15:10

Munguphuta ndi mphepo yinu, nyanja yinguŵavimba; ŵangudodome pasi uli ndi ndolo mu maji ghanthazi.

Sumu 135:7

Ndiwo asoka mitambo kutuwa ku vigoti vya charu chapasi; achitiska malimphezi ghapaske vuwa, ndi kutuzga mphepo mu vyakusungiyamo vyake.

Yesaya 45:18

Pakuti viyo atiti Ambuya, mweniyo wangulenga machanya (ndiyo Chiuta), mweniyo wangwata charu chapasi ndi wanguchita (wanguchikhozga; kuti wanguchilenga chakutimbanizgika cha, wanguchichitiya kujamo!): “Ndine Ambuya, palivi munyake.

Jobu 11:7

“Kumbi mungavisaniya vinthu vyapandimba vyaku Chiuta? Kumbi ungasaniya chigoti chaku Wanthazizose?

Jobu 11:8

Chigoti chake che kuchanya ukongwa kuruska kuchanya, nanga nchine cho ungachita. Che pasi ukongwa kuruska ndimba ya miunda, ungaziŵa chine iwe?