Nthanthi 3:6 - Tonga Bible 1986

⁶ Mu nthowa zako zose zomeranga iwo ndipo iwo ŵakanyoroskanga nthowa zako.

Nthanthi 3:6 Referans Kwoze

Nthanthi 16:3

Pereka nchitu yako ku Ambuya, ndipo vyakulongoso vyako vikachitikanga.

Sumu 32:8

Ndikurunguchizgenge ndi kukusambizga nthowa yo utenere kwendamo; ndikupangenge fundu, jisu langu liŵengepaku iwe.

ŴaFilipi 4:6

Mungakweŵeke kose cha; kweni mu kanthu kose, mu rombu ndi mu niniziku pamoza ndi kuwonga, mapemphu ghinu ghaziŵikwe kwaku Chiuta.

Nthanthi 16:9

Muwongo wa munthu urongoso nthowa yake, kweni Ambuya arongozga muchapu wake.

Yeremiya 10:23

Ndiziŵa, Ambuya, kuti nthowa ya munthu kuti ye mwaku iyo mweneko cha, kuti nkhwa munthu yo watenda cha kunyoroska menderu ghake.

Yakobe 1:5

Ndipo asani yumoza waku imwe wapere mu zeru, wapemphe kwaku Chiuta, mweniyo wapaska kwaku wose kwawanangwa, ndi kwambura kusinginika; ndipo yikapaskikanga kwaku iyo.

Yesaya 30:21

Ndipo makutu ghinu ghakavwanga mazu kuvuli kwinu, kuti, “Nthowa ndi iyi, yendaninga mwaku yo,” penipo mupatukiya ku marghe ndi penipo mupatukiya ku maze.

Yesaya 48:17

Viyo atiti Ambuya, Muwombozi winu, Mtuŵa Yumoza waku Yisraele: “Ndine Ambuya Chiuta wako, mweniyo watikurunguchizga kusakata, mweniyo watikurongozga mu nthowa yeniyo utenere kwendamo.

ŴaKolose 3:23

Chose cho mungachita, chitani nge mbakutakatakiya Ambuya ŵanthu cha,

ŴaKolose 3:17

Ndipo chose cho mungachita, mu mazu pamwenga mu nchitu, chitiyani vyose mu zina la Mbuya Yesu, ndipo muwongeni Chiuta Dada mwaku iyo.

Nthanthi 23:17

Mtima wako ungachitiyanga sanje ŵaheni cha, kweni lutiliyanga mu kopa Ambuya zuŵa lose.

1 ŴaKorinte 10:31

Viyo chingana muturgha, chingana mutumwa, chingana muchitanji, chitiyani vyose ku unkhankhu waku Chiuta.

1 Mikoka 28:9

“Ndipo iwe Solomoni mwana wangu umuziŵe Chiuta wa ausu, umutatariye ndi mtima wakufikapo, ndi umoyo wakuzomera; chifukwa Chiuta wapenjapenja mitima yose, ndipo waziŵa lunguluku le lose. Asani utumpenja umusaniyenge; kweni asani utumureka wakutayenge muyaya.

1 Samuele 30:8

Ndipo Davidi wangufumba ku Ambuya, “Kumbi ndingalirondo liŵanja ili? Kumbi ndakuŵasaniya?” Ambuya angwamuka, “Ŵarondo; kwakuneneska wamkuŵasaniya ndipo nadi wamukuŵakwamphuwa.”

Yesaya 45:13

Ndamuyuskiya mu urunji ndipo ndikanyoroskanga nthowa zake zose; ŵakazenganga muzi wangu ndipo ŵakafwatuwanga ŵakudikika ŵangu, ndi mtengo pamwenga mphoto cha,” atiti Ambuya ŵa maŵanja.

Nehemiya 1:11

Ambuya gutu linu litegherezge ku rombu la mteŵeti winu ndi ku rombu la ŵateŵeti ŵinu wo ŵakondwere mukopa zina linu; ndipo mumupundiske mteŵeti winu ndipo mumuchitiye lisunge mu maso ghaku uyo munthu.” Pa nyengo yo ndenga wakupereka nkhombo ya karonga.

Nehemiya 2:4

Sono karonga wanguti kwangu, “Cho upempha nchine?” Viyo ndingupempha kwaku Chiuta wakuchanya.

Ezra 7:27

Atumbikike Ambuya Chiuta wa ŵambuyafwe, yo wanguŵika chinthu cha viyo mu mtima wa karonga, kutozga nyumba yaku Chiuta mu Yerusalemu;

2 ŴaKorinte 8:16

Kweni wawongeke Chiuta, yo waŵikamu mtima waku Tito linweka lenilo pe lapa chifwa chaku imwe.

Maŵerengedu 9:20

Ndipo kwaŵanga kuti mtambo uchijapo pa chihema mazuŵa ghamanavi, kwakulingana ndi langulu la Ambuya ŵanguja mu ugoŵi, ndipo kwakulingana ndi langulu la Ambuya ŵangwenda ulendo.

Nehemiya 7:5

Sono Chiuta wanguŵika mu zeru yangu kuti ndiwungang'e pamoza ŵaraŵara ndi zinduna ndi ŵanthu kuti ŵalembeke mwa mphapu zawo. Ndipo ndingusaniya buku la zimphapu zaku wo ŵanguza pakudanga, ndi ndingusaniya vyenivyo vingulembekamo:

Nthanthi 11:5

Urunji wa wambura kalema unyoroska nthowa yake, kweni wa mphulupulu zitumuwiska mphulupulu za mweneko.

Yeremiya 42:3

kuti Ambuya Chiuta wako watirongo nthowa yakuti tendemo, ndi chinthu cho titenere kuchita.”

Yesaya 26:7

Nthowa ya ŵarunji njakutambara, ndimwe munyoroska nthowa ya ŵakurunjika.