Nthanthi 3:3 - Tonga Bible 1986

³ Kujithereska ndi kugomekezgeka vingakutayanga cha uvimangiliye mu khosi lako, uvilembe pa gome la mtima wako.

Nthanthi 3:3 Referans Kwoze

2 ŴaKorinte 3:3

pakurongoleka kuti mwe kalata waku Kristu, wakuperekeka ndi ifwe, wakulembeka ndi inke cha, kweni pa vipadwa vya mitima ya ŵanthu.

Nthanthi 7:3

Uvimangiriyi pa minwi yako, uvilembe pa gome la mtima wako.

ŴaHebere 10:16

“Ichi nchipangano cho nkhachitanga nawo pavuli pa mazuŵa gho, atiti Ambuya: Nkhaŵikanga marangu ghangu mu mitima yawo, ndipo pa njuŵi zawo ndighalembenge.”

Nthanthi 6:21

Uvimangiliye pa mtima wako nyengo zose; uvimangiliye mu khosi lako.

Malaki 2:6

Wangusambizga chisambizgu cha uneneska ndipo ubudi kuti ungusanirika cha mu mlomo wake. Wangwenda nane mu chimangu ndi mu urunji, ndipo wanguwezga ŵanandi kusiya ubendezi.

ŴaEfeso 5:9

(chifukwa chipasi cha kungweruka ko nchamu umampha wose ndi urunji ndi uneneska),

Nthanthi 16:6

Pakujithereska ndi kugomekezgeka mphulupulu yilipika, ndi so ndi kopa Ambuya munthu wareka uheni.

Nthanthi 20:28

Kujithereska ndi ukongolekwa kusunga karonga, ndipo chitengo chake chisungika ndi urunji.

Nthanthi 1:9

pakuti ivi ndi mwenera wa mutu wako ndi mukanda wa khosi lako.

Sumu 119:11

Mazu ghinu ndasunga mu mtima wangu, alinga kuti ndireke kumunangiyani imwe.

Sumu 25:10

Nthowa zose za Ambuya nchifundu ndi ukongorekwa, kwaku wose wo ŵasunga phanganu lawo ndi visimisimi vyawo.

Chituwa 13:9

Ndipo chikaŵanga kwaku imwe nge nchisimikizgu pa janja linu ndipo nge nchikumbusku pakati pa maso ghinu, alinga kuti dangu la Ambuya liŵenge mu mlomo winu; pakuti ndi janja la nthazi Ambuya akutuzgani mu Egipiti.

Yeremiya 17:1

Uheni waku Yuda walembeka ndi peni ya chisulo: ndi songo ya daimoni wazighirika pa chakulembapo cha mtima wawo, ndi pa masengwe gha majochero ghawo,

Marangu 6:8

Ndipo mughamangiliye pa janja linu nge nchisimikizgu, ndipo ghakaŵanga nge ndi mphumphu yachiremba ya pakati pa maso ghinu.

Hoseya 4:1

Vwani mazu gha Ambuya imwe mwa ŵaYisraele; chifukwa Ambuya ŵe ndi mlando ndi ŵakuja mu charu. Palivi chigomezgu, chingana mbulemu, pamwenga kuziŵa Chiuta mu charu.

Mateyu 23:23

“Owe, mwa ŵalembi ndi mwa ŵaFarisi imwe, mwaŵakufuvya, pakuti cha chichumi nge ndi maŵe, mapira, ndi chitoŵe mupereka, kweni mureka vizitu vyakuzirwa vya langulu, cheruzgu, lisungu, ndi chivwanu: ivi ndivyo mungwenere kuchita, sono pavuli musazgiyeko vinyake vyo.

2 Samuele 15:20

Ndipo unguza la zana, sono mbweno msana wale nditikumbwatambwatiska kwenda nafwe; pakuwona kuti ndiruta, ko ndita nako kuti ndiziŵako cha: were kuvuli, rutanga pamoza ndi ŵabali ŵako, kwanja ndi lisungu la Ambuya viŵe nawe.”

Sumu 85:10

Chanju chakufikapo ndi ukongorekwa vyaziya pamoza; urunji ndi chimangu vyakumana.

Nthanthi 14:22

Asi ŵalakwa wo ŵapangizga uheni? Weniwo ŵapangizga umampha ŵakumana ndi kuyithereska ndi kugomekezgeka.

Chituwa 34:6

Ambuya angudumuwa paurongo pake, ndi wangumemeza, “Ambuya, Ambuya, Chiuta wa lisungu ndi wa wezi, wachizita ku kukara, ndi wakuzara ndi chanju cha wezi ndi ukongorekwa,