Nthanthi 3:2 - Tonga Bible 1986

² pakuti ghakakupaskanga mazuŵa ghanandi ndi virimika vinandi vya umoyo ndi unandi wa likondwa.

Nthanthi 3:2 Referans Kwoze

Nthanthi 4:10

Yivwa, wa mwana wangu, ndipo ronde mazu ghangu alinga kuti virimika vya umoyo wako viŵenge vinandi.

Nthanthi 9:11

Pakuti mwaku ine mazuŵa ghako ghakandananga, ndipo virimika vikasazgikiyangako ku umoyo wako.

Sumu 91:16

Ndikaŵapaskanga mphoto ya umoyo utali, ndipo kwakuneneska ndikaŵataskanga.”

ŴaRoma 15:13

Ndipo Chiuta yo wa chigomekezgu wakuzazeni ndi chimwemwe chose ndi chimangu mu kuvwana, kuti musambasenge mu chigomekezgu, mu nthazi ya Mzimu Wakupaturika.

Sumu 128:6

Uŵi ndi umoyo uwone ŵazuku ŵako! Chimangu chiŵiye Yisraele!

Sumu 119:165

Wo ŵatanja dangu linu ŵendi chivekeru chakufikapo, ndipo kulivi ko kakaŵaguŵiskanga.

Nthanthi 10:27

Kopa Ambuya kutandaniska umoyo, kweni virimika vya wamphurupuru vikaŵanga vifupi.

1 Timote 4:8

chifukwa kujilimbiska ko kwaliŵavu nkhwakwanduliya kumanavi; kweni uwopa Chiuta ngwakwanduliya vyose, pakuŵa nacho chipanganu cha umoyo wasono ndi chaku wo utakuzanga.

ŴaRoma 5:1

Viyo pakurunjiskika ndi chivwanu, chimangu te nacho kuchiri kwaku Chiuta mu Ambuyafwe Yesu Kristu;

Sumu 21:4

Umoyo wo wangupempha kwaku imwe; mwamupaska, utali wa mazuŵa muyaya ndi muyaya.

ŴaRoma 14:17

Chifukwa ufumu waku Chiuta kuti mbunkharghi ndi unkhamwi cha, kweni urunji ndi chimangu ndi chimwemwe mu Mzimu Wakupaturika.

Yesaya 32:17

Ndipo ukongorekwa ukabaranga viyo chimangu, ndipo chakutuwa mu ukongorekwa, nchisisi, ndi chigomezgu muyaya.

Jobu 5:26

Ukazanga ku muunda wako pa wemu unkhongwe wako wakufikapo, nge ndimo mtolo wa trigu mu nyengo yake utuziya ku mphe.

Marangu 11:21

kuti mazuŵa ghinu ndi mazuŵa gha ŵana ŵinu ghaŵe ghanandi mu charu chenicho Ambuya angurapiya auskemwe kuŵapaska, nyengo yose yo machanya ghakaŵiyanga pachanya pa charu chapasi.

1 ŴaKaronga 3:14

Ndipo asani ukendanga mu nthowa zanga, kusunga marangu ghangu ndi malangulu ghangu, nge ndimo wangwende Davidi ausu po ndipo ndikuskiyengeko mazuŵa ghako.”

Nthanthi 16:31

Mutu wa nyivu nchisoti chaunkhankhu; chandukiya mu umoyo wa urunji.

Marangu 5:32

Viyo muŵe ŵakuphwere kuchita nge ndimo Ambuya Chiuta winu wakulanguliyani, mungang'anamukiyanga ku marghe pamwenga ku maze cha.

Nthanthi 4:4

ada ŵangundisambizga, ndipo ŵanguti kwaku ine, “Uchite kuti mtima wako ukoreske mazu ghangu; sunga marangu ghangu, ndi uje wamoyo;