Nthanthi 29:4 - Tonga Bible 1986

⁴ Ndi cheruzgu chirunji karonga wapereka ujazi wa chimangu ku charu, kweni mweniyo ngwalikwanu kwanu la vyaulera watichibwanganduwa.

Nthanthi 29:4 Referans Kwoze

Nthanthi 29:14

Asani karonga wateruzga mukavu ndi urunji, chitengo chake chikamanga muyaya.

Mika 7:3

Manja ghawo ghe paku chonchiheni, kuchichita ndi phamphu; ŵakaronga ndiŵeruzgi ŵapenja vinda, ndi munthu wakuziŵa wakamba khumbu liheni la mu mtima wake; viyo ŵatiuchita pamoza.

Danyele 11:20

“Ndipo mu malo ghake muyukenge wakuronde msonkho mu unkhankhu wa ufumu; kweni mu mazuŵa ghamanavi wabwangandukenge, kweni kuti mu ukari pamwenga mu nkhondo cha.

Nthanthi 20:8

Karonga mweniyo waja pa chitengo cha cheruzgu wateska uheni wose ndi maso ghake.

Yesaya 49:8

Viyo atiti Ambuya, “Mu nyengo ya mwaŵi ndakwamuka iwe, mu zuŵa la utaski ndakovya ndakusunga iwe ndakupaska nge ndi phanganu ku ŵanthu kujarika charu, kugaŵa vihara vya mapopa;

Yesaya 9:7

Kukuwa kwa ufumu wake ndi chimangu kuti kukaŵanga ndi umari cha, pa chitengo chaku Davidi, ndi pa ufumu wake, kuujarika ndi kuukhozga ndi cheruzgu chirunji ndi ukongorekwa, kwamba pa nyengo iyi kurutiriya ndi ku muyaya. Phamphu la Ambuya ŵa maŵanja likachitanga ichi.

Nthanthi 16:12

Mbukazuzi ku ŵakaronga kuchita uheni, pakuti chitengo chikhozgeka ndi urunji.

Nthanthi 8:15

Ŵakaronga ŵawusiya mwangu, ndipo ŵeruzgi ŵateruzga kwakurunjika;

Sumu 99:4

Karonga wanthazi, wakwanjaurunji; mwapereka cheruzgu paku Yisraele; mwaŵapaske urunji ndi umampha.

Sumu 89:14

Ufumu winu ukujarikika pa urunji ndi cheruzgu; chanju ndi ukongorekwa vye mu chitu zinu zose.

2 Mikoka 9:8

Atumbikike Ambuya Chiuta mweniyo wakondwa namwe, ndi wamujarikani pa chitengo cha ufumu wake kuŵa karonga mu malo gha Ambuya Chiuta winu! Chifukwa Chiuta winu watanja ŵaYisraele kuŵakhozga muyaya, chifukwa ichi ŵamumikani kuŵa karonga wawo, mwakuti mweruzgi ndi urunji.”

1 ŴaKaronga 2:12

Viyo Solomoni wanguja pa chitengo chaku Davidi wiske, ndipo ufumu wake ungujarikika ndi nthazi.

2 Samuele 8:15

Viyo Davidi wanguwusa paku Yisraele yose; wangweruzga ndi kuchitiya urunji khamu lake lose;

1 Samuele 13:13

Samuele wanguti, “Wachita kwakupusa; kuti wasunga dangu la Ambuya Chiuta cha, lo angukulanguliya pakuti sono mphanyi Ambuya akuzganga ufumu wako paku Yisraele muyaya.

Jobu 11:6

ndi kuti wakuneniyenge vinjeru vyamuchindindi! Pakuti ngwakuwamo ukongwa. Mu chifukwa ichi uziŵe kuti Chiuta wakugowokiyako kwananga kwako, kuti wakuchitiya nge ndimo kuliri cha.

Nthanthi 14:34

Urunji ukuzga khamu la ŵanthu, kweni uheni nchilengesku kuŵanthu ŵe wose.

Nthanthi 16:10

Kudumuwa makani kwakufiskika kwe pa milomo ya karonga, mlomo wake kuti ulakwa cha mu cheruzgu.