Nthanthi 29:23 - Tonga Bible 1986

²³ Kujikuzga kwa munthu kukamusiskiyanga pasi, kweni mweniyo ngwakujiyuyuwa mumzimu wakarondanga thumbiku.

Nthanthi 29:23 Referans Kwoze

Mateyu 23:12

Ndipo yose yo wajikuzgenge, wayuyulikenge; ndipo yose yo wajiyuyuwenge, wakuzgikenge.

Luka 14:11

Pakuti yose wakujikuzga wayuyulikenge; ndipo yo ngwakujiuyuwa wakuzgikenge.”

Nthanthi 11:2

Asani patuza kujikuzga pavuli patuza chilengesku; kweni pamoza ndi wakujiyuyuwa ndi zeru.

Yesaya 66:2

Ivi vinthu vyose janja langu lavichita, viyo vinthu ivi vyose vyangu, atiti Ambuya. Kweni uyu ndiyo munthu kwaku yo ndikalereskanga, mweniyo ngwakujiyuyuwa ndi wakujisuska mu mzimu, yo watenthema pa mazu ghangu.

1 Petro 5:5

Mwaŵamanako, kwakulingana, therani ku ŵara. Ndipo mose ku ŵanyinu mujichinyiriye ndi kujiyuyuwa mtima, pakuti, “Chiuta wamikana ndi ŵakujana, kweni wapaska wezi ku ŵakujiyuyuwa.”

Nthanthi 15:33

Kopa Ambuya nkhusambizga mu zeru, ndipo ulemu kujiyuyuwa kudanjiya paurongo.

Nthanthi 16:18

Kujikuzga kudanjiya paurongo papharghaniku, ndi mtima wakujikuzga paurongo pa kuwa.

Luka 18:14

Ndikuneniyani, wangusikiya uyu wakurunjiskika ku nyumba yake, kwakuruska yuwa; pakuti yose wakujikuzga wayuyulikenge; kweni wakujiyuyuwa wakuzgikenge.”

Nthanthi 18:12

Paurongo pa phasulu mtima wamunthu utijikuzga, kweni kujiyuyuwa kutiya paurongo pa ulemu.

Mateyu 18:4

Viyo yose wakujiyuyuwa nge nkhana yaka ndi mura mu ufumu wa kuchanya.

Yesaya 57:15

Pakuti viyo watiti wapachanya ndi Mutali yo, mweniyo waja mu umuyaya, yo zina leke ndi Wakupaturika: “Ndija pachanya pa malo ghakupaturika, ndipo so pamoza ndi yo ngwa mtima wakupe ndi wakujiyuyuwa, kusisipuska mzimu wa wakujiyuyuwa, ndi kuyuska so mtima wa wakupe.

Marangu 8:16

Mweniyo wangukukuhiŵani mbozwa ndi mana ghenigho auskemwe ŵengavi kughaziŵa, mwakuti wamuchepeskeni ndi wamweseni, kumuchitiyani umampha pa umari.

Jobu 40:12

Lereska paku yose yo ngwakujikuzga ndipo mususkiye pasi, phwatiya pasi ŵaheni mu malo gho ŵatuma;

Mateyu 5:3

“Mbakutumbikika ŵasauchi mu mzimu, pakuti ngwawo ufumu wo wa kuchanya.

Jobu 22:29

Chifukwa Chiuta wayuyuwa ŵakujikuzga, ndi wataska ŵakujiyuyuwa.

Machitidu gha Ŵakutumika 12:23

Kweni sosonukweni mungelo wa Mbuya wangumkoso, chifukwa kuti wagupaska unkhankhu kwaku Chiuta cha; ndipo pakunyakata ndi fusi, wanguziririka.

Nthanthi 16:19

Nkhwamamphaku kuŵa ndi mzimu wakujiyuyuwa pamoza ndi ŵasauchi, kwakuruska kugaŵana vyachiskoŵa ndi wakukondwa.

Nthanthi 17:19

Mweniyo watanja kusovya watanja ndeu; mweniyo wachita khomo lake kuŵa litali wapenja phasulo.

Nthanthi 22:4

Mphoto ya kujiyuyuwa ndi kopa Ambuya mbusambasi ndi ulemu ndi umoyo.

Obadiya 1:3

Kujikuzga kwa mtima wako kwaupusika, iwe uja mu zimphanji za majarawi, wamweniwe malo ghako ghakujapo ghe pachanya, iwe mu mtima wako ukamba, “Njani wandisiskiyenge pasi pa dongo?”