Nthanthi 28:14 - Tonga Bible 1986

¹⁴ Wakutumbikika ndi munthu mweniyo watopa Ambuya nyengo zose, kweni mweniyo wangangamiska mtima wake watuwa mu suzgu.

Nthanthi 28:14 Referans Kwoze

Nthanthi 23:17

Mtima wako ungachitiyanga sanje ŵaheni cha, kweni lutiliyanga mu kopa Ambuya zuŵa lose.

Sumu 2:11

Teŵetiyani Ambuya ndi wofi, ndi chitenthe.

Yesaya 66:2

Ivi vinthu vyose janja langu lavichita, viyo vinthu ivi vyose vyangu, atiti Ambuya. Kweni uyu ndiyo munthu kwaku yo ndikalereskanga, mweniyo ngwakujiyuyuwa ndi wakujisuska mu mzimu, yo watenthema pa mazu ghangu.

1 Petro 1:17

Ndipo asani mumudana Dada mweniyo kwambura kurumba chisku ngwakweruzgiya uli ndi nchitu ya munthu yose, mu wofi jaririyani nyengo yo ya chitandara chinu:

Yeremiya 32:40

Ndikapangananga nawo phanganu la muyaya, lakuti ine kuti ndikatuwangako cha ku kuŵachitiya umampha iwo; ndipo ndikaŵikangamo kopa mu mitima yawo, ndipo kuti ŵakatuwangako cha kwangu.

ŴaRoma 11:20

Mbwenu; zingufyolekako mu uwura-chivwanu chawo, ndipo iwe ume nganganga mu chivwanu chako, ungajitumphuskanga cha, kweni wopanga.

ŴaHebere 4:1

Viyo topenge, vinu kikuli, lati lajapo phanganu la kuserere mu chipumulu chake, wangawoneka yumoza wa mwaku imwe kupereŵepo.

Nthanthi 29:1

Mweniyo wasuskika kaŵikaŵi kweni wangangamika mbwenu khosi lake wakaswekanga kwamabuchibuchi wambura machizgika.

Sumu 112:1

Rumbani Ambuya! Wakukondwa ndi munthu yo watopa Ambuya, yo wakondwere mu kuvwiya marangu ghawo.

Sumu 95:8

“Rekani kunonopeska mitima yinu nge mpha Meriba, nge ndimo ŵanguŵiya zuŵa liya mu bozwa pa masa.

ŴaRoma 2:4

Pamwenga uyuyuwa kumbi usambasi wa ulemu wake ndi unkhunthiya ndi chilekerezga, pakureka kuziŵa kuti ulemu wo waku Chiuta ngwakurongozge iwe ku chipe?

Sumu 16:8

Nyengo zose ndiŵika Ambuya paurongo pangu, kuti nkhasukuniskikanga cha, chifukwa we pafupi nane.

Jobu 9:4

Ngwazeru mu mtima ndi wakurimba mu nthazi. Njani wajingangamiska kumikana nayo ndi wapunda?

Chituwa 7:22

Kweni ŵavyanusi ŵaEgipiti ŵanguchita vyakukozgana navyo ndi mayera ghawo; viyo mtima waku Farao ungujaririya wakunonopa, ndipo kuti wangukhumba kuŵategherezga cha uli ndimo Ambuya angukambiya.

Chituwa 14:23

ŴaEgipiti ŵangundondoloska ndi ŵanguweremo pavuli pawo mukati mu nyanja, ŵakavalo wose ŵaku Farao magareta ghake, ndi ŵankhondo ŵapa ŵakavalo ŵake.

ŴaRoma 2:5

Kweni mu unononu wako ndi mtima wako wakukana kupe, ujiŵikiya kandundu mu zuŵa la kandundu ndi la uvumbuzi wa cheruzgu chirunji chaku Chiuta;

Chituwa 7:23

Farao wanguweko ndi wangusere mu nyumba yake, ndipo wanguphwere ichi cha.

Wakutaula 8:12

Nanga mulakwi wachita uheni unandi limu ndi kuŵa ndi umoyo utali, ndipuuli ndiziŵa kuti ŵakopa Chiuta kukaŵaŵiyanga umampha, chifukwa ŵatopa pa maso pake;